ناتو باش کاتبی، افغانستان تینچلیگی بوییچه آمریکا خاص نماینده‌سی زلمی خلیل‌زاد بیلن اوچره‌شیب ایتیشیچه، طالبان زوروانلیکلرنی کمه‌یتیریب و وعده‌لریگه عمل قیلیشی کیره‌ک.
اوتگن کون (پنج‌شنبه ۲۴- میزان) کیچ قورون ناتو باش کاتبی ینس استولتنبرگ بیر توییت یازیب ایتیشیچه، دوحه‌ده افغانستانلیکلرارا سوزلشوولر تاریخی بیر فرصت دیر و طالبان زوروانلیکلرنی کمه‌یتیریش‌لری کیره‌ک.
اونینگ ایتیشیچه، ناتو افغانستان خصوصیده‌گی وعده‌لریگه پابند دیر.
بوندن آلدین افغانستان تینچلیگی بوییچه آمریکا خاص نماینده‌سی زلمی خلیل‌زاد، طالبان بیلن اوچره‌شیب و ایکی تامان تینچلیک کیلیشوونامه‌سی و بیریلگن وعده‌لر اساسیده، اقدام‌لرنی قیته‌دن ترتیب قیلیش خصوصیده کیلیشگنی نی اعلام قیلدی.
خلیل‌زاد بیر توییت یازیب ایتیشیچه، آمریکا و طالبان گروهی آره‌سیده امضالنگن کیلیشوونامه نینگ برچه مواردلرینی تطبیق ایتیلیشی، زوروانلیک نی کمه‌یتیریش معناسیگه کیله‌دی.
ناتو باش کاتبی طالبلرنینگ زوروانلیکلرنی کمه‌یتیریش خصوصیده چقیرگن بیرحالده، امنیتی کوچلر گه قرشی طالبان هجومی کوپه‌یگن.
