هند میدیالری نینگ گزارش بیریشلریچه، بیر هتفه‌دن بویان واگه بندرگاهی آرقه‌لی افغانستان‌دن هیچ صادرات صورت تاپمه‌گن. اوشبو میدیالردن نقل قیلینیشیچه، افغانستان نینگ اوشبو بندر آرقه‌لی وارداتی آسیا جنوبی منطقه‌وی ایرکین سوداگرلیک گواهی‌نامه‌سی بیتیمی اوستیده‌گی قرشی‌لیک سبب توخته‌تیلگن.
هند، بنگله‌دیش، پاکستان، افغانستان، بوتان، مالدیو، نیپال و سریلانکا آسیا جنوبی منطقه‌وی ایرکین سوداگرلیک اعضالریدن بولیب باج بیریش‌دن معاف ایکی تامانلمه قراردادلری بار.
هند میدیالری نینگ ایتیشلریچه، قیینچیلیک باعث هندوستان و افغانستان سوداگرلیک‌لری گه قولی‌لیک یره‌تگن مذکور بندرگاه توخته‌تیلیشی، یوزلب یوک تاشووچی موترگه قیینیچلیک یره‌تگن، اونگه علاوه هندوستان و افغانستان سوداگرلری نینگ تقدیرلری نامعلوم.
بیزلرنینگ فیسبوک صحیفه‌میزگه باش اورینگ!
هندوستان زمینی بندری نینگ اداره رسمی‌لریدن بیری (LPAI) نینگ ایتیشیچه: «اوتگن تورت کون‌دن بویان افغانستان‌دن هیچ بیر یوک تاشووچی موتر کیلمه‌گن و باجخانه رسمی‌لری مذکور قیینچیلیک حل ایتیلیشی اوچون سعی-حرکت قیلماقده‌لر. بوندن آلدین افغانستان‌دن اوروغ، پیاز، قوریق و تازه میوه یوکلنگن کمیده ۲۰ موتر وارد بولر ایدی.»
هند رسمی‌لریگه کوره، حاضر ۱۵۰ گه یقین افغانستان سوداگرلیک توارلری یوکلنگن موترلر چیگره ده کوتیب تورگنلر. اگرده بو بندرگاه نیچه کونگچه آچیلمه‌سه سوداگرلیک توارلر ضرر کوریشی ممکن. اولرنینگ کوپیتیریشیچه، اوشبو توارلر پولینی توللـه‌گن هندوستان سوداگرلری زیان کوریش‌لری ممکن.
بیزلرنینگ فیسبوک صحیفه‌میزگه باش اورینگ!
عین‌حالده بوندن آلدین هم هند مملکتی نینگ افغانستان گه یاردم قیلگن ۵۰ تن بوغدای و یاردم ایتگن دارولری پاکستان آرقه‌لی افغانستان گه انتقال تاپیشی گه رخصت بیریلمه‌گن توغریسیده گزارشلر ترقه‌لگن ایدی. گزارشلرگه اساس پاکستان هند یاردم لرینی واگه بندرگاهی دن افغانستان گه انتقال بیریش اوچون شرط لرنی مطرح قیلگن ایدی.
