پکتیا مرکزی گردیز ده طالبان حکومتی ایش گه باشلمهسیدن آلدین سوداگرلیک معاملهلر و حمل و نقل گه افغانی پولدن قوللنهدی ایکن، بیراق حاضر پاکستان نینگ پولی کوپ رواجلنگن.
اوشبو شهر دکاندارلری نینگ ایتیشلریچه، سوداگرلیک معاملهلرده افغانی پولدن قوللهنیش اوچون حرکت قیلهدیلر، بیراق طالبان حکومتی کیلگنیدن بویان کلدار پولیدن کوپ فایدهلنهدیلر.
پکتیکا ولایت یشاوچیلری نینگ ایتیشلریچه، اوتگن هفتهلرده پکتیکا مرکزی و تومنلریده افغانی اورنیده کلدار دن فایدهلنیش کوپهیگن. اولر طالبان گروهیدن افغانی بهاسی سقلهنیشی اوچون جدی حرکت قیلیشلرینی سورهگن.
بیزلرنینگ فیسبوک صحیفهمیزگه باش اورینگ!
باشقه بیر تاماندن خوست یشاوچیلری نینگ ایتیشلریچه، شهر و تومنلرده دکاندارلر افغانی پولگه ساتدی و آلدی قیلهدیلر، بیراق موتر سوداگرلیگی حاضر هم کلدار پول گه صورت تاپهدی.
پکتیا معلومات و مدنیت ریاست رسمیلری نینگ ایتیشلریچه، اسلامی امارت افغانی ارزشی نی سقلش گه متعهد دیر و برچه سوداگرلر و دکاندارلردن ساتدی-آلدی نی افغانی گه انجام بیریشلرینی سورهگن.
پکتیا معلومات و مدنیت ریاست باشلیغی عبدالخالق احمدزی نینگ سلاموطندارگه ایتیشیچه، افغانی پول نینگ اولرگه خاص ارزشی بار.
کمیده ایکی ییل آلدین قطار ولایتلرده افغانی پول دن حمایت قیلیش اوچون کمپین یولگه قوییلگن ایدی که نتیجهده، دکاندارلر و یشاوچیلر کوندهلیک پول نی افغانی گه تولش گه زورلنگن. بیراق سونگی نیچه پیتده ارزی معاملهلر قیته احیالنگن بیرحالده، افغانی بهاسی قویی کیلگنی توغریسیده خواطرلر کوپهیگن.