گرمسیر، هلمند نینگ جنوبی تومنلریدن بیری دیر. اوشبو تومن یشاوچیلری گه کوره، قریب ۳۰ ییلدن بویان اوشبو تومنده سودا_ساتیق پاکستان کلداری بیلن معامله بولهدی.
اولر نینگ ایتیشلریچه، اوشبو تومنده برچه کیچیک و بویوک معاملهلر کلدار بیلن بولهدی و قطار منطقهلرده دکاندارلر نینگ افغانی پول گه نیازلری بولگن تقدیرده، اونی کلدار بیلن المشتیرهدیلر.
بیزلرنینگ فیسبوک صحیفهمیزگه باش اورینگ!
گرمسیر تومنی یشاوچیسی و اوشبو تومن مرکزیده هزارجفت بازاریده ییللردن بویان دکاندارلیک قیلهٔیگن نبیجان نینگ ایتیشیچه، برچه سودا-ساتیق نی کلدار بیلن انجام بیرهدی و گرمسیر تومنیدهگی بالهلر و ییگیتلردن کوپ قطاری، افغانی پوللر نی تانیمهیدیلر.
شونینگدیک گرمسیر تومنی یشاوچیلریدت قطاری نینگ ایتیشلریچه، کلدار کامل شکلده افغانی اورنیگه اوتگن؛ انه شوو سبب، اوشبو تومن ییگیتلردن کوپینچهسی افغانی پوللر نی کورگنلری یوق.
گرمسیر تومنی یشاوچیلریدن باشقه بیری روزیخان نینگ سلاموطندار گه ایتیشیچه، ۲۶ یا-ده ۲۷ ییلدن بویان بو ییرده کلدارلردن قوللنیلهدی.
گرمسیر تومنی محلی مسئوللری نینگ ایتیشلریچه، سونگی کونلر مذکور تومنده افغانی پول نینگ رواجلنیشی و کلداردن قوللنیش نینگ توسیقلنیشی اوچون سعی و حرکتلر نی باشلگنلر.
اولر گه کوره، گرمسیر چیگره بیر تومن بولگنی سبب، ییللردن بویان پاکستانی کلداری روج دیر؛ بیراق تیزلیککه اونینگ اورنی آلینیشی ممکن.
بیزلرنینگ توییترده هم تعقیب قیلینگ!
ایتیش کیرهک که، گرمسیر تومنی گه علاوه، هلمند مرکزی و لشکرگاه شهری و اوشبو ولایت نینگ باشقه تومنلریده هم پاکستان کلدار بیلن سودا-ساتیق صورت تاپهدی.
گرچند سابق حکومت و حاضرگی حکومت، دایم افغانی پول رواجلنیشی و خارجی پوللر بیلن سودا-ساتیق اورنی آلینیشی خصوصیده سوز بیریلگن، بیراق حاضرگچه ایران و پاکستان بیلن چیگرهداش بولگن ولایتلردن قطاریده، اوشبو ایکی مملکت پوللری قوللنیلهدی.