سابق حکومت سقوط قیلگنیدن سونگ، بغلان ولایتی شامل کوپ‌قطار ولایت‌لرده بانک‌لرنینگ فعالیتی توخته‌تیلگن و بو مسله اهالی‌نی خواطرلنتیرگن. بغلان یشاوچی‌لری نینگ ایتیش‌لریچه، بانک‌لرده بولگن پول‌لرینی یوقالیشیدن خواطرگه دیرلر.

بیزلرنینگ فیسبوک صحیفه‌میزگه باش اورینگ! 

بغلان یشاوچی‌لریدن بیری دین‌محمد نینگ ایتیشیچه، ایکی آی‌لیک حقوقی بانک‌ده قالگن و بانک‌لر باغلنگنیدن سونگ، پولی‌نی قولگه کیلتیره آلمه‌گن. اونینگ ایتیشیچه، جواب قیتره‌دیگن حکومت یوق‌لیگی سبب، پولی نینگ یوقالیشی‌دن خواطرگه دیر.

خان‌علی بیر هفته آلدین پول قولگه کیلتیریش اوچون نهرین تومنیدن پلخمری شهری‌گه کیلگن. اونینگ ایتیشیچه، حاضرگه‌قدر پولی‌نی قولگه کیلتیریش‌گه موفق بولمه‌گن و حاضرده اویی‌گه باریش اوچون پولی یوق.

اونینگ ایتیشیچه، وضعیت بونده‌ی دوام قیلگن صورتده، پول‌لرینی قولگه کیلتیره آلمه‌یش‌لری ممکن.

شونینگدیک، بغلان یشاوچی‌لریدن باشقه بیری مژگان نینگ ایتیشیچه، پول‌لرینی بانک‌ده ذخیره قیلگن، لیکن حاضرده پولی‌نی قولگه کیلتیره آلمه‌یدی و اقتصادی نقطه‌نظردن یمان وضعیت‌ده قرار تاپگن.

اونینگ ایتیشیچه، بانک‌لر یالغیز کابل شهریده مشتری‌لریگه پول بیره‌دی، لیکن پول‌لری بولمه‌گنی باعث، کابل باره آلمه‌یدیلر.

عین‌حالده، خصوصی بانک‌لردن بیری نینگ مسوولی‌نی ایتیشیچه، مذکور بانک اهالی قیین‌چیلیکلرینی حل قیلیش اوچون سوداگرلردن پول قرضه آلگن و هر مشتری‌گه ۵ مینگ افغانی بیره‌دی. اونینگ کوپه‌یتیریشیچه، مرکزی بانک‌ده پول ذخیره‌سی بولمه‌گنی باعث، ولایت‌لرده بانک‌لرنینگ فعالیتی توخته‌تیلگن.

بیزلرنینگ فیسبوک صحیفه‌میزگه باش اورینگ! 

اونینگ اهالی‌‎گه ایشانچ بیریب ایتیشیچه، بانک‌لرده تسلیم بیرگن پول‌لری مصون دیر و بانک‌لرنینگ فعالیتی‌ تیزلیککه عادی شکلده باشلنه‌دی.

مرتبط با این خبر:

کلیدی کلمه‌لر: // //

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام