بانک‌لر فعالیتی نیچه کون توخته‌تیلگنیدن سونگ، قیته باشلنگن، لیکن پول قولگه کیلتیریش اوچون اهالی نینگ مراجعتی کوپ بولگنی سبب، قیین‌چیلیکلر کوپه‌یگن.
بانک‌لر مشتری‌لری نینگ ایتیش‌لریچه، حاضرده یالغیز بانک‌لرنینگ مرکزی شعبه‌لری فعال دیر و نماینده‌لیکلرینی یاپیق قالگنی باعث، اولر قولایلیک بیلن پول قولگه کیلتیره آلمه‌یدیلر.
بیزلرنینگ فیسبوک صحیفه‌میزگه باش اورینگ!
اولرنینگ ایتیش‌لریچه، بانک‌لر تامانیدن پول مقداری خصوصیده چیکلاو یره‌تیلگنی اولرگه قرشی قیین‌چیلیک یره‌تگن.
بانک‌لر بیرلشمه‌سی مسوول‌لری نینگ ایتیش‌لریچه، تخنیکی قیین‌چیلیکلر سبب، بانک‌لردن بیرقطاری فعال بولمه‌گن و ایرته‌دن باشلب بوتون بانک‌لرنی فعال بولیشی ممکن.
بانک‌لر بیرلشمه‌سی باشلیغی نجیب امیری نینگ ایتیشیچه، تقاضاچی‌لرنینگ هجومی‌نی کنترل قیلیش اوچون پول مقداریگه چیکلاو یره‌تیلگن و کیله‌سی کون‌لرده بو قیین‌چیلیکلر حل ایتیله‌دی.
مملکت طالبان قولیگه سقوط قیلگنیدن سونگ، بانک‌لرنینگ فعالیت‌لری توخته‌تیلگن ایدی، لیکن اوتکن کونی مرکزی بانک سرپرستی ملا عبدالقادر بانک‌لر مسوول‌لری بیلن اوچره‌شیب بانک‌لرنینگ فعالیتی، خوفسیزلیگی و قیین‌چیلیکلرگه حل یول تاپیش خصوصیده صحبت قیلگن.
بیزلرنینگ فیسبوک صحیفه‌میزگه باش اورینگ!
اوشبو ییغینده مرکزی بانک سرپرستی، چیکلاو وقتینچه‌لیک بولگنیدن ایشانچ بیریب و بانک‌لرنینگ فعالیتی عادی شکلده دوام تاپیشی ممکن‌لیگی‌نی بیلدیرگن.
