افغانستان مرکزی بانکی بیر اعلامیه آرقه‌لی یازیشیچه، ایشلاوچی‌لریدن قطاری نی ۲۰۲۰ ژنوا ییغینیده وعده بیریلگن طرزالعمل گزارشیده، پشتو تیلی نظرگه آلینمه‌گنی باعث چیتلنتیریلگن. مذکور بانک اعلامیه‌سیده کیلیشیچه، بو اقدام باشقه‌لرگه عبرت بولیش اوچون صورت تاپگن.
مرکزی بانک نینگ اوشبو اقدامی اجتماعی ترماقلر کاربرلریدن قطاری نینگ عکس‌العمل‌لریگه روپه رو بولگن. توییتر کاربری مجاهد اندرابی نینگ یازیشیچه: «بو تعصب دن تشقری یعنی، حکومتدارلیک نی رسوالیگی دیر. کیم‌لیگی بیللی بولمه‌گن و ملی تیل‌لردن هیچ بیری گه بلد بولمه‌گن بیر کیشی مرکزی بانک باشیده قرار تاپه‌دی و اوچ ایشلاوچیسی نینگ پشتو یازمه‌گنی باعث ایشدن آله‌دی. مافیایی حکومت نینگ شاخ یا دُمی بارمی؟»
عین حالده، مملکت یشاوچی‌لریدن قطاری نینگ ایتیش‌لریچه، کوپ وقتلر فارسی یا دری تیلی نظرگه آلینمه‌گن؛ بیراق بو ایش هیچ قچان مرکزی بانک یا باشقه هیچ بیر دولتی نهاد تامانیدن جدی آلینمه‌گن.
بیزلرنینگ فیسبوک صحیفه‌میزگه باش اورینگ!
کاربرلردن باشقه بیری عبدالحمید اعتمادی توییتری ده یازیشیچه، افغانستان بانک‌نوت‌لریده فارسی تیلی نظرگه آلینمه‌گن؛ بیراق بو توجه‌سیزلیک اوچون هیچ کیم ایشدن آلینمه‌گن.
شونینگدیک کاربرلردن باشقه بیری عمران فیروز نینگ ایتیشیچه، مرکزی بانک سرپرستی اجمل احمدی نه پشتو بیله‌دی و نه هم فارسی و شونینگدیک نماینده‌لر کینگشی دن هم ایشانچ آوازی قولگه کیلتیره آلمه‌گن و اونینگ چیتلنتیریلیشی کیره‌ک.
بیراق مرکزی بانک رسانه‌لرگه بیر ویدیو یوباریب و ایتیشیچه، بو بانک ده دولتی بیر نهاد صفتیده هیچ تبعیض و تعصب یوق دیر و اولر ایکی تیل فارسی و پشتو آره‌سیده تعادل نی سقلش اوچون حرکت قیله‌دیلر.
مذکور ویدیو گه ایتیلیشیچه، وب‌سایت و مرکزی بانک گه تیگیشلی برچه اجتماعی ترماق‌لرده فارسی و پشتو تیل‌لری تینگ شکلده استعمال قیلینگن.
بیزلرنینگ توییترده هم تعقیب قیلینگ!
مرکزی بانک نینگ ایتیشیچه: «افغانستان مرکزی بانک لایحه‌سی اساسیده، ایکی رسمی تیل پشتو و دری گه یازیش جبری دیر. د افغانستان بانک برچه ایشلاوچی‌لری بو موضوع گه توجه قیلیشی کیره‌ک. بو موضوع گه قرشی عمل قیلگن کیشی، تأدیب بوله‌دی. سونگی پیت‌لرده مرکزی بانک ۲۰۲۰ ژنوا سندی گه پشتو نی یازیش گه توجه قیلمه‌گن ایشلاوچی‌لرینی، باشقه ایشلاوچیلرگه عبرت بولیش اوچون چیتلنتیره‌دی.»
مرکزی بانک بو توغریده آرتیق تفصیلات بیریشدن واز کیچگن.
عین حالده، اجتماعی ترماقلر کاربرلریدن قطاری نینگ ایتیش‌لریچه، سونگی پیت‌لرده دولتی نهادلر تابلولریده فارسی تیلی نظرگه آلینمه‌گن و واقعن ایکی رسمی تیل پشتو و فارسی نینگ تعادلی مطرح بولگن صورتده، مذکور اقدام‌لرهم تیکشیریلیشی کیره‌ک.
