مملکت مرکزی بانک سرپرستی اجمل احمدی، میدیالرده جنجلی بولگن دولت مقام‌لریدن بیری دیر، بیراق ایکی ییلدن بویان اونینگ هویتی و عایله‌سی خصوصیده هیچ قنده‌ی معلومات یوق.
مرکزی بانک برگه‌سیده فنی کادرلرنینگ معلوماتی یازیله‌دی، بیراق اجمل احمدی خصوصیده یازیلگن معلومات‌گه کوره، او غزنی ولایتیدن دیر، لیکن آته‌سی و تیریک‌چیلیک قیلگن منطقه‌سی خصوصیده معلومات بیریلمه‌گن.
اجمل احمدی نینگ الکترونیکی کیم‌لیگی کاپی‌سی سلام‌وطندار اختیاریگه قرار تاپگن. مذکور کیم‌لیککه کوره، اونینگ آته‌سی عبدالاحد و بابه‌سی ایسه سید احمد دیر، بیراق بو نام گه بولگن کیشی‌لرنی هیچ‌کیم تانیمه‌یدی و هیچ قنده‌ی معلومات یوق.
مرکزی بانک سرپرستی، نماینده‌لر کینگشیده برنامه‌‌لرینی بیان قیله‌دیتگن پیت‌ده، آته‌سی غزنی نینگ «مسجد خطیبی» منطقه‌سی یشاوچی‌سی بولگنینی بیلدیرگن.
مسجد خطیبی منطقه‌سیده تیریک‌چیلیک قیله‌دیگن قوم بویوک‌لردن بیرقطاری نینگ کیم‌لیگی سیر قالیش‌نی ایسته‌ب سلام‌وطندارگه ایتیش‌لریچه، سابق زمان‌لرده مسجد خطیبی منطقه‌سیده ۵ یوز عایله تیریک‌چیلیک قیله‌ریدی و مذکور عایله‌لری بیربیراوی بیلن رابطه‌سی بار ایدی، لیکن بو نام‌ده هیچ‌کیم بو منطقه ده تیریک‌چیلیک قیلمه‌گن.
اجمل احمدی، جمهوریت کسلخانه‌سیده توغیلگنی‌نی بیلدیرگن، لیکن جمهوریت کسلخانه‌سیده دنیا گه کیلگنی هم ناتوغری اثبات‌لنگن. جمهوریت کسلخانه‌سی نینگ تاشی ۱۳۵۷- قویاش ییلده قوییلگن. بو معلومات گه کوره، احمدی جنابلری مذکور ییل ۲۹- حملده دنیا گه کیلگن.
جمهوریت کسلخانه‌سی خذمتلر بولیمی مدیری بشیراحمد عرب‌زاده نینگ ایتیشیچه، جمهوریت کسلخانه‌سی نینگ بناسی، کسلخانه گه اوزگریلمسدن آلدین مسافرخانه ایکن.
شونینگدیک، مرکزی بانک نینگ ویب‌سایتیده، جناب احمدی دستلبکی و متوسطه مکتب‌نی غزنی ولایتیده اوقیگنی ایتیلگن، بیراق اوزی نینگ نماینده‌لر کینگشیده ایتیشیچه، ۲ یاشرلیگی‌گه عایله‌سی بیلن پاکستان نینگ پشاور شهریگه مهاجر بولگن.
مرکزی بانک سرپرستی، افغانستان نینگ ملی تیل‌لرینی هم بیلمه‌یدی.
جناب احمدی نینگ پاسپورتده‌گی صورتی بیلن کیم‌لیکده‌گی صورتی فرقلی دیر. اونینگ پاسپورتده‌گی صورتی، کیم‌لیکده‌گی صورتی‌گه قره‌گنده یاش دیر، بیراق پاسپورت آلمسدن آلدین کیم‌لیک آلیش کیره‌ک، کیم‌لیک آلمه‌گن کیشی پاسپورت قولگه کیلتیره آلمه‌یدی. کورینیشیچه، جناب احمدی، کیم‌لیکدن آلدین پاسپورت قولگه کیلتیرگن.
عین‌حالده، سوداگرلیک وزیرلیگی و مرکزی بانک ده اجمل احمدی بیلن ایشله‌گن کیشی‌لر، اونینگ فعالیتی و رفتاری دیکتاتورانه بولگنینی ایتگنلر.
