بوکون‌لرده هرات حوزوی کسلخانه‌سی باشقه هر بیر زمان گه نسبتن گاوجوم دیر. هر کون یوزلرچه کیشی درمان اوچون بو کسلخانه گه مراجعت قیله‌دی که اولردن کوپینچه‌سی غور، بادغیس، فراه و نیمروز یشاوچی‌لری دیر.

سیدحسام‌الدین بادغیس ولایتی نینگ یشاوچیسی دیر که کمیده ۲۰ کون آلدین باله‌سی نینگ درمان‌لش اوچون هرات ولایتی گه کیلگن. او کسل‌لرگه توجه قیلینمسلیگیدن تنقید قیله‌دی.

«اهالی نینگ کسل‌لری کوریلسین،‌ درمان‌لنسین و اهالی سرگردان بولمه‌سین. کمیده ۲۰ کون بولدی که بیزلر بو ییرده کیلگن‌میز. او ییرده کیتگین بو ییرده کیتگین دیدیلر و بوگون ایتدیلر که ۴۰۰ یاتاقلی کسلخانه گه کیتگین. بیزلرنینگ فکریمیز شو دیر که مسلمان‌لرنینگ قیینچلیک‌لری حل ایتیلسین.»

بیزلرنینگ فیسبوک صحیفه‌میزگه باش اورینگ!

کسل‌دارلردن باشقه بیر قطاری نینگ ایتیش‌لریچه، ساغلیک مسئوللرنینگ توجه‌سیزلیگی گه علاوه، کسل‌لر برچه دارولرینی شهردن ساتیب آله‌دیلر.

«مینینگ آتیم غلام محمد دیر. بیر کسلی‌میز بار کویگن که او باله دیر. کسلخانه گه کیلتیردیک پولینگ بولسه تداوی بوله‌دی، بولمسه اوله‌دی.»

باشقه بیر تاماندن هرات حوزوی کسلخانه‌سیده درمان‌لش مسئوللری، دارو و ساغلیک امکانیت یوقلیگی نی تصدیق‌لب و آگاه‌لنتیریش‌لریچه، بو ولایت ساغلیک وضعیتی گه توجه قیلینمه‌گن صورتده، یقیین کیله‌جکده ساغلیک خذمتلر ترقه‌تیش پروسه‌سی بوزیله‌دی.

هرات حوزوی کسلخانه‌سی نینگ باش داکتری عارف جلیلی: «هرات حوزوی کسلخانه‌سیده خذمتلر توخته‌لیشی گه رخصت بیرگن یوق‌میز. اوروشلر جریانیده بیزلر خذمتلرنی مدیریت قیلدیک و حاضر هم مدیریت قیله‌میز و باشقه بیر آی گچه قیینچلیک یوق و خذمت ارایه قیله‌میز. بیراق پرسونل‌لرنینگ حقوقی تولله‌نیشی توغریسیده خواطرلر بار و معاش‌لری بیریلمه‌گن صورتده، کسلخانه نینگ پرسونلی گه قیینچلیک ایجاد بوله‌دی و خذمتلر متاثر بوله‌دی.»

هرات ساغلیک مسئوللری نینگ بیاناتی اساسیده، اولر ایکی ییل دن بویان هیچ قنده‌ی دارو و امکانیت قولگه کیلتیرمه‌گن و هرات ده ساغلیک سیستمی نینگ فلج بولیشی نی آلدینی آالیش اوچون بو قیینچلیک‌لرنی مرکز و باشقه همکار نهادلر بیلن شریک قیلگنلر.

مرتبط با این خبر:

کلیدی کلمه‌لر: // //

شریک قیلینگ:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام