بیرلشگن ملتلر تشکیلاتی نینگ باله‌لردن حمایت قیلووچی اداره‌سی یا یونیسف، افغانستان گه ۳۲ تُن ساغلیک مواد یاردم بیرگن.
افغانستان ده بیرلشگن ملتلر تشکیلاتی نینگ اورین‌باسرلیک هیأت دفتری یا یوناما، بوگون بیر اعلامیه ترقه‌تیش بیلن ایتیشیچه، یونیسف نینگ ساغلیک موادلر جایلشتیریلگن بیرینچی اوچاغی، اوتگن کون اروپا مدنی سقلش هوایی کوپریگی و انسان‌دوستلیک یاردملر عملیاتی آرقه‌لی کابل ییتیشدی.
یوناما نینگ اعلامی اساسیده، مذکور یاردم‌لرگه ۳۲ تُن کیره‌کلی دارو، آنتی بیوتیک‌لر، سودیم کلوراید و جراحی ملزمه‌لر شامل دیر.
اوشبو یاردملر افغانستان گه ییتیشگن بیرحالده، مملکت دارو و ساغلیک ملزمه یوقلیگی بیلن روپه‌رو دیر. افغانستان ده یونیسف نماینده‌سی «هرو لودویک دی لیس» نینگ ایتیشیچه، مذکور ساغلیک ملزمه‌لر فاجعه‌لی زمانده افغانستان ده باله‌لر و آنه‌لر اوچون لازم کوریلگن.
افغانستان ده یونیسف نماینده‌سی، اروپا بیرلیگیدن افغانستان اهالیسی گه یارم تیارله‌شی اوچون قدردانلیک قیلیب و بو یاردم‌لرنینگ دوامی تاپیشی نی سوره‌گن.
بیزلرنینگ فیسبوک صحیفه‌میزگه باش اورینگ!
باشقه بیر تاماندن اوتگن کون کابل بوییچه چین ایلچیسی وانگ یو، بیر توییت آرقه‌لی سابق دولت سقوط قیلگنیدن کیین، مملکتی انسان‌دوستلیک یاردم‌لریدن بیرینچی محموله‌سینی افغانستان یوباریلگنی نی اعلام قیلدی. کابل بوییچه چین ایلچیسی نینگ ایتیشیچه، مذکور یاردم‌لرگه کمپل و ایسیق کییم‌لر شامل بوله‌دی.
وانگ یو نینگ کوپه‌یتیریشیچه، مذکور یاردملر چین و افغانستان اهالیسی نینگ چقور دوستلیگی نی کورسته‌دی. شونینگدیک بوگون اسلامی امارت مهاجرلر وزیری بیر خبرنامه ترقه‌تیش بیلن اعلام قیلیشیچه، چین یاردم‌لریگه ۴ مینگ کمپل و ۳ مینگ ۷۸۰ جوره جاکت شامل بوله‌دی. بو وزیرلیک نینگ ایتیشیچه، اوشبو یاردملر آواره بولگن کیشی‌لرگه ترقه‌تیله‌دی.
