هرات، غور، بادغیس، فراه و نیمروز ولایت‌لری نینگ کووید ۱۹ شفاخانه‌لری مسوول‌لری سلام وطندارگه ایتیش‌لریچه، بو ولایتده هوا ساووق‌لیگی و کرونا گه یولیققن کسل‌لر سانی کوپه‌ییشی بیلن بو شفاخانه، دارو و امکانات آزلیگی گه یوزمهیوز بولگن.
غور ولایتی نینگ کووید ۱۹ شفاخانه‌سی رییسی محمدشریف قاضی‌زاده نینگ ایتیشیچه «قیغو بیلن بیز کوپ جدی قیینچیلیکلر بیلن یوزمهیوز میز، جمله دن دارو، مریض‌لر اوچون اوقت، اوتاق‌لرنی ایسیق اسره‌ش اوچون یاقیلغی ماده‌لر یوقلیگی، بیزلرنی قیینچیلیک بیلن یوزمهیوز قیلگن. شفاخانه گه مراجعت قیلیب یاتقیزیلگن برچه مریض‌لر ۳ یا ۴ ساعت دن کیین شفاخانه نی ترک ایتیش‌گه مجبور بوله‌دیلر.»
ساغلیق خذمت‌لر آزلیگی یانیده، بو شفاخانه داکترلری و ایشلاوچی‌لری نی تورت آیدن بیری معاش‌لری توللنمه‌گن و بعضی‌لری هم فقر و ایش‌سیزلیکلر سبب اوز اوی وسایل‌لری نی ساتیشگن.
داکترلر دن بیری نجیب‌الله نینگ ایتیشیچه، «بیش آیدن بیری بیز نینگ معاشی‌میز تولنمه‌گن، بو سونگی چاغ‌لرده بیز فقر و نادارلیک سبب اوز اوی وسایل‌لری میزنی ساتدیک، حتی اوزیم بیر آز پول تاپیب اوی خرجتی نی تامین‌لش اوچون اوز قالین‌لریم نی ساتدیم.»
بیزلرنینگ فیسبوک صحیفه‌میزگه باش اورینگ!
باشقه بیر تامان دن، هرات و بادغیس ساغلیق مسوول‌لری مذکور ولایت‌لر، کووید ۱۹ شفاخانه‌لری یمان وضعیت گه قرار تاپگنیدن خواطر بیلدیریشگن.
بو ولایت‌لر ساغلیق مسوول‌لری نینگ ایتیش‌لریچه، قیینچیلیک‌لرنی مرکز ساغلیق مسوول‌لری بیلن پایلشگن‌لر.
اولکه غربی ولایت‌لری نینگ ساغلیق مسوول‌لری نی بیاناتی اساسیده، اوتگن ایکی هفته ده، هوا ساووق‌لیگی یانیده کرونا ویروس گه یولیققن کسل‌لر سانی کوپه‌یگن که کونده‌لیک ۵۰ دن باشلب ۱۰۰ کسل گچه شفاخانه‌ده یاتقیزیله‌دی.
