قندوز ولایتی بوییچه ساغلیق‌نی سقلش مسئوللری و مدنی فعال‌لری، قیش موسومی ییتیب-کیلیشی سبب، اوشبو ولایت نینگ اوزاق منطقه‌‌لریده تیریک‌چیلیک قیله‌دیگنلرگه کرونا ویروسی نینگ ایکینچی موجی و خطرلری خصوصیده معلومات بیریلمه‌گنیدن خواطر بیلدیرگنلر.
قندوز ولایتیده جک موسسه و کوید ۱۹ کسلخانه‌سی مسئوللری نینگ ایتیش‌لریچه، هوا ساووق‌لیگی، کرونا نینگ ایکینچی موجی، اهالی آره‌سیده یوتل و سینه‌بغل کسل‌لیگی نینگ کوپه‌یشی اولرنی خواطرلنتیرگن.
جک موسسه و کوید ۱۹ کسلخانه‌سی مسووللریدن بیری نوراحمد احمدی نینگ سلام‌وطندارگه ایتیشیچه، اهالیگه معلومات بیریش خصوصیده اداره‌لر آره‌سیده هماهنگ‌لیک یوق.
اونینگ ایتیشیچه، اهالی نینگ ۷۰% قیشلاقلرده حیات کیچیره‌دی، بیراق معلومات بیریش برنامه‌لر قیشلاقلرگه ایمس، بلکیم قندوز مرکزیده آلینه‌دی.
جناب احمدی نینگ کوپه‌یتیریشیچه، معلومات بیریش برنامه‌لر کوپه‌یتیریلمه‌گن صورتده، بو کسل‌لیکنی کوپه‌یشی ممکن.
قندوز مدنی فعاللریدن بیری ذبیح‌الله مجیدی نینگ ایتیشیچه، اهالی کرونا ویروسی‌گه قرشی دقت‌سیزلیک قیله‌دیلر و ساغلیک توصیه‌لرینی رعایت قیلمه‌یدیلر.
اونینگ کوپه‌یتیریشیچه، اوزاق منطقه‌لرده تیریک‌چیلیک قیله‌دیگن اهالی ساغلیک توصیه‌لرنی رعایت قیلمه‌یدی و انه‌شو سبب، دنیا دن اوته‌دیلر.
شونینگدیک، قندوز ولایتی بوییچه ساغلیق‌نی سقلش ریاستی باشلیغی احسان‌الله فضلی نینگ ایتیشیچه، مذکور ولایتده کرونا ویروسی خصوصیده اهالیگه معلومات بیریش مسوولیتی جک موسسه‌سی بوینیگه دیر و باشقه نهادلرنینگ هیچ‌قنده‌ی مسئولیتی یوق.
جناب فضلی گه کوره، یالغیز باله‌لرنینگ حمایت قیله‌دیگن موسسه، کرونا خصوصده فعالیت قیله‌دی و اونینگ فعالیتی کوچلی ایمس.
قندوز ولایتی بوییچه ساغلیق‌نی سقلش ریاستی مسئوللریگه کوره، هوا ساووق بولیشی بیلن قندوز یشاووچی‌لری بو کسل‌لیک خصوصیده دقت‌سیزلیک قیله‌دیلر.
اولرنینگ ایتیش‌لریچه، اوتگن بیر آی جریانیده، کرونا ویروسی‌گه چلینگنلرنینگ رقمی کوپه‌یگن.
