لوگر یشاوچیلریدن قطاری اوشبو ولایت نینگ دولتی کسل‌خانه‌لریده دارو کملیگیدن شکایت قیلیب ایتیشلریچه، نیازلری بولگن دارولر نی تشقی‌دن تیارلش گه مجبورلر.
لوگر مرکزی پل‌علم شهری نینگ «نایب امین‌الله خان لوگری» کسلخانهسیدهگی کسل‌دار‌لردن بیری قدرت‌الله نینگ ایتیشیچه، اوچ کون‌دن بیری کسلی مذکور کسل‌خانه‌ده بستری دیر و کسل‌خانه‌ده دارو یوقلیگی سبب، نیاز بولگن دارولر نینگ تشقی‌دن تیارلش گه مجبور دیر.
بیزلرنینگ توییترده هم تعقیب قیلینگ!
اونینگ کوپه‌یتیریشیچه: «قیغو بیلن (نایب امین‌لله خان لوگری) ولایتی کسل‌خانه‌سیده دارو کم‌لیگی قیین‌چیلیگی، جدی بیر قیین‌چیلیک دیر. اهالی‌دن کوپینچه‌سی اقتصادی قیین‌چیلیک سبب، کسل‌لری نی دولتی کسل‌خانه‌لر گه آلیب باره‌دیلر. او ییرده یالغیز بیر پاکت دارو بیره‌دیلر که، کسل اوچون ییترلی ایمسو بیر قطار کسل‌خانه‌لرده شفاکارلر خصوصی دارو‌خانه‌لر گه نسخه بیره‌دیلر. سونگی کون‌لر کسل‌لرده کسل‌لر سانی کوپه‌یگن و شونینگدیک دارو کم‌لیگی قیین‌چیلیگی هم کوپه‌یگن دیر.»
شونینگدیک، پل‌علم شهری نینگ «دوشنبه» قیشلاغی یشاوچیسی طلا‌خان، نیوره‌سی نی ایچ‌کیتمه کسللیگی گه چلینگنی سبب، درمان اوچون لوگر ولایتی کسل‌خانه‌سی گه کیلتیرگن دیر. اونگه کوره، اوشبو ولایت دولتی کسل‌خانه‌سیده دارو کم‌لیگی سبب، اهالی کوپینچه قیین‌چیلیک بیلن روپه‌ره دیر.
اونینگ ایتیشیچه: «کسل‌لر سانی کوپه‌یگن دیر. کسل‌لر اوچون ییر یوق، دارو یوق. حکومت ییر و دارو کم‌لیی قیین‌چیلیگی نینگ حل قیلیشی کیره‌ک. لوگر ولایتی یشاوچیلری جدی قیین‌چیلیک‌لر بیلن روپه‌ره دیر؛ انه شوو سبب، کسل‌خانه‌لر و خصوصی شفاکارلر گه مراجعت قیله آلمه‌یدیلر.»
لوگر ساغلیق‌نی سقلش ریاستی نینگ مطبوعاتی مسئولی فهیم‌الله لودین نینگ ایتیشیچه، بیر آی‌دن بیری، «نایب امین‌الله خان لوگری» مرکزی کسلخانه شامل اوشبو ولایت‌ده‌گی برچه درمانی مرکزلر دارو کم‌لیگی بیلن روپه‌ره دیر.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «ولایتی کسلخانه شامل لوگر ولایتی‌ده‌گی برچه کسل‌خانه‌لرده، دارو کم‌لیگی بیلن روپه‌ره‌میز. بو لوگر ولایتی‌ده‌گی کسل‌لر و کسل‌دارلر اوچون جدی بیر قیین‌چیلیک دیر. بو توغریده ساغلیق‌نی سقلش وزیرلیگی و خلق‌ارا نهاد‌لر گه پیشنهاد‌لر نی ارایه قیلدیک و بو قیین‌چیلیک نینگ تیزلیککه حل قیلینیشی نی کوتیب تورگن‌میز.»
ایتیش کیره‌ک که، مذکور ولایت ساغلیق نی سقلش ریاستی مسئوللریدن قطاری، کسل‌خانه‌لر گه کسل‌لر مراجعتی ایکی برابر بولگنی نی اَیتگنلری بیرحالده، لوگر دولتی کسل‌خانه‌لری دارو کم‌لیگی بیلن روپه‌ره دیر.
