غزنی ده کوزدن عاجز ییگیت محمد وزیر، دولت اداره‌لریده ناگران‌لر گه سهم بیریلمسلیگیدن شکایت قیلیب ایتیشیچه، جمهوریت توزومیده دولت اداره‌لریده ناگران‌لر گه ۵ فایز سهم بیریلگن ایدی، لیکن حاضر سهم بیریلمسلیگیگه قوشیمچه، غزنی دولت اداره‌لریده اولر نینگ کیریشی گه رخصت بیریلمه‌یدی.
محمد وزیر نینگ ایتیشیچه: «دولت نینگ قطار اداره‌لریده ناگران‌لر نینگ اوچ فایز حقی اوستیگه ایشلنمه‌گن. حتا دولت اداره‌لریده ناگران‌لر گه کیریش رخصتی بیریلمه‌یدی، ناگران‌لر خیرات اوچون کیلیشنی اویله‌یدیلر.»
بیزلرنینگ فیسبوک صحیفه‌میزگه باش اورینگ!
غزنی ده ناگران یاش‌لردن باشقه بیری لطف‌احمد شیرزی، دولت اداره‌لریده ناگران‌لر گه بوتونلی سهم بیریلمسلیگیدن نالیب ایتیشیچه، غزنی دولت اداره‌لریده حتا شرایط گه ماس ناگران‌لر گه هم، ایش رخصتی بیریلمه‌یدی. اونینگ کوپه‌یتیریشیچه: «دولتی و خصوصی اداره‌لرده ناگران‌لر اوچون اختصاص بیریلگن سهم حاضر بیریلمه‌یدی و غزنی ده دولت اداره‌لریده شرایط گه ماس ناگران‌لرنی هم استخدام قیلمه‌یدیلر.»
عین‌حالده، غزنی ناگران‌لر اجتماعی اویوشمه باشلیغی سیدفضل‌الحق هاشمی نینگ سلام‌وطندار گه ایتیشیچه، ناگران‌لر نینگ ییل‌لیک حقوق و امتیازلری، ۶۰ مینگ افغانی دن ۳۶ مینگ افغانی گه کمه‌یب و ایش فرصت‌لری بوتونلی اولردن آلینگن؛ سابق حکومت ده، دولت اداره‌لریده اولر گه ۳ و ۵ فایز سهم بیریلگن ایدی.
اونگه کوره: «جمهویت توزومیده، دولت اداره‌لریده شرایط گه ماس ناگران‌لر گه ۵ فایز سهم بیریلگن ایدی و ناگران‌لر نینگ ییل‌لیک آی‌لیگی ۶۰ مینگ افغانی ایدی و حاضر ۳۶ مینگ افغانی گه کمه‌یگن.»
شونینگدیک جناب هاشمی، اسلامی امارت مسئوللرینی ناگران‌لر برابریده ایکی تور یانده‌شووگه عیبلب ایتیشیچه، اسلامی امارت عادی و اسلامی امارت گه باغلیق ناگران‌لر نینگ حقوق و امتیازلری اورته‌سیده فرق قائل دیر.
سلام‌وطندار بیلن صحبت اوتکزگن غزنی شهیدلر و ناگران‌لر ریاستی نینگ اورین باسری سیدمحمد ابوعرفان، اوشبو ولایتده دولت اداره‌لریده ناگران‌لر نینگ حقوقی رعایت ایتیلمسلیگی و اولر گه سهم بیریلمسلیگینی تصدیقلب، دولتی و خصوصی اداره‌لردن، شرایط گه ماس ناگران‌لرنی بوش بست‌لر گه استخدام قیلیشلرینی طلب قیله‌دی.
اونگه کوره، شهیدلر و ناگران‌لر وزیرلیگی، دولت اداره‌لریده ناگران‌لر نینگ سهمی و حقوقی اجره‌تیلیش ریجه اوستیگه ایشله ماقده دیر. اونینگ کوپه‌یتیریشیچه: «حاضر دولت اداره‌لریده بو رقم جوده هم آز دیر، تخمیناً صفر دیر. بیز باشقه اداره‌لردن شرایط گه ماس ناگران‌لرنی بوش بست‌لر گه استخدام قیلیشنی ایسته‌یمیز.»
بیزلرنینگ توییترده هم تعقیب قیلینگ!
شونینگدیک جناب ابوعرفان، اسلامی امارت گه تیگیشلی و عادی ناگران‌لر نینگ امتیازلری اورته سیده‌گی فرق‌نی تصدیقلب ایتیشیچه، اولر اورته‌سیده آز فرق بار و رسمی وظیفه‌لری بولگن اسلامی امارت اعضالری گه، ناگران‌لر امتیازی بیریلمه‌یدی.
جناب ابوعرفان نینگ ایتیشیچه: «اسلامی امارت گه تیگیشلی و عادی ناگران‌لر اورته سیده بونده‌ی فرق یوق دیر. حتا اسلامی امارت نینگ وظیفه‌لری بولگن ناگران‌لری گه، ناگران‌لر نینگ حقوق و امتیازلری بیریلمه‌یدی.»
ناگران‌لر نینگ ییل‌لیک امتیازلری کمه‌یشی و دولت همده خصوصی اداره‌لر ده اولر گه سهم بیریلمسلیگی باعث، اولر اقتصادی قیینچیلیکلر بیلن روپه‌ره بولگنلر.
غزنی ده ناگران کیشی‌لر نینگ ایتیشلریچه، بیرقطاری ایشله‌ی آلمه‌یدیلر و امتیازلری کمه‌یشی، اولر نینگ دردینی کوچه‌یتیرگن.
