غور ده ناگران‌لردن قطاری نینگ ایتیش‌لریچه، کوپینچه قیین‌لیک و قشاق‌لیک بیلن روپه‌ره‌لر و ییل‌لردن بیری حکومتی مسئوللر اولر نینگ قابلیت‌لری گه توجه قیلمه‌ی و اولر گه هیچ بیر دولتی اداره و نهادده ایش بیرمه‌گن.
شونینگدیک موسسه‌لر یاردمی‌دن محروم قالگن ناگرانلر اسلامی امارت‌دن اقتصادی نیازلری نینگ تامین‌لنیشی اوچون اولر گه ایش زمینه‌سی نینگ یره‌تیلیشی نی ایسته‌یدیلر.
بیزلرنینگ فیسبوک صحیفه‌میزگه باش اورینگ!
غور ده بیر قطار قابلیت‌لر گه ایگه بولگن محمد آغا و اسامه اسملی ایکی ایناغه، آیاق ساحه‌سیدن ناگرانلر. اولر نینگ ایتیش‌لریچه، ییل‌لردن بیری سابق حکومت و مسئول نهادلر اولر گه هیچ توجه قیلمه‌گن و اولر نینگ قابلیت‌لری نظر گه آلینمه‌گن.
آنلاین شکلده تعلیم کورگن ایناغه‌لر، اسلامی امارت‌دن اوشبو ولایت ناگران‌لری گه اقتصادی قیین‌چیلیکلری حل بولیشی اوچون کوپراق تعلیم و ایش زمینه‌سی یره‌تیلیشی نی ایسته‌یدیلر.
اسامه نینگ ایتیشیچه: «ناگران بولگنیم اوچون، هیچ بیر زمان اوزیم نی کم و ناتوان حس قیلمه‌دیم، حاضر ایسه نقاش‌لیکده مهارتیم بار. بیر زمان‌لر سابق جمهور رئیس حامد کرزی نینگ تصویری نی دیوار گه نقاش‌لیک قیلگن ایدیم.»
غور ناگرانلر انجمن مسئولی عبدالقیوم بهبودی، اوشبو ولایت محلی مسئوللریدن دولتی اداره‌لرده ایش قیله‌آله‌دیگن ناگرانلر گه ایش زمینه‌سی نی فراهم قیلیب و شونینگدیک موسسه‌لر انسان‌دوستلیک یاردم‌لر ترقه‌تیلیشی‌ده اولر نی نظر گه آلیش نی ایسته‌یدی.
بیراق غور شهیدلر و ناگرانلر ریاست رئیسی عبدالوکیل متوکل نینگ ایتیشیچه، حاضرگچه ناگرانلر نینگ استخدام بولیش‌لری خصوصیده مرکزی رسمی‌لر تامانیدن بویروغ بیریلمه‌گن و اولر یخشی قابلیت گه ایگه بولگن ناگرانلر گه ایش زمینه‌سی نی فراهم قیلیش اوچون سعی و حرکت قیله‌دیلر.
بیزلرنینگ توییترده هم تعقیب قیلینگ!
غور شهیدلر و ناگرانلر اداره رئیسی نینگ کوپه‌یتیریشیچه، گرچند ناگرانلر دولتی حقوق و امتیازلر گه ایگه‌لر؛ لیکن اوشبو امتیاز اولر نینگ بوتون احتیاج‌لری نی حل قیلمه‌یدی.
غور شهیدلر و ناگرانلر ریاست مسئوللری نینگ بیاناتی اساسیده، اوتمیش ۲۰ ییلده اوشبو ولایت‌ده ۱۲ مینگ و ۴۰۰دن آرتیق ناگران حربی و تینچ‌اهالی ثبت بولگن که اولردن کوپ قطاری نی تینچ اهالی تشکیل بیره‌دی.
