کابل‌ده‌گی ناگران‌لردن قطاری نینگ ایتیشلریچه، اسلامی امارت حاکمیتیدن کیین معاش‌لری توللـه‌نیلمسلیگی باعث اقتصادی قیینچیلیک بیلن روپه‌رو بولگن‌لر.
ماین پارتلشی عاقبتیده ایکی ایاغینی قولدن بیرگن پروین نینگ ایتیشیچه، هردایم که شهیدلر و ناگران‌لر اداره‌سی گه مراجعت قیلگن بولسه، رد جواب بیریلگن.
اونینگ ایتیشیچه: «۸ آی‌دن بویان معاش اوچون شهیدلر و ناگران‌لر ریاستی گه مراجعت قیله‌من، اولر باش اول ثبت و راجستر قیلیشیمیزنی ایته‌دی، عکس و حجت‌لریمیزنی آلیب بارسک، بودجه یوق کیینگی امرگچه کوتینگلر دیب ایته‌دیلر.»
بیزلرنینگ فیسبوک صحیفه‌میزگه باش اورینگ!
باشقه تاماندن ایاغ‌دن ناگران بولگن صمد گه کوره، عایله‌سی نینگ خرجت‌لرینی تأمینلش اوچون اوزیدن باشقه کیمسه یوق و حکومت‌دن حقوق و امتیازلرینی وقتیده بیریشنی سوره‌یدی.
شو بیلن بیرگه شهیدلر و ناگران‌لر وزیرلیگی، معلول‌لر نینگ معاش‌لری توللـه‌نیلمسلیک سببینی حجت‌لری ساخته دیب ایتیشیچه، ناگران‌لر نینگ حجت‌لرینی تیکشیرماقده‌لر و ۹۵ فایز اسنادلر تیکشیریلگن.
شهیدلر و ناگران‌لر وزیرلیگی نینگ دفتر باشلیغی شاه‌محمد دوست گه کوره، سابق حکومت زمانی‌ده مستحق بولمه‌گن‌لر، ساخته حجت بیلن معاش آلر ایدیلر.
شاه‌محمد دوست گه کوره: «سابق حکومت‌ده اوچ یوز ۶۰ مینگ ناگران شهیدلر و معلول‌لر ریاستیده ثبت ایدی، بیراق انیقلش جریانیدن کیین، ۶۰ فایزی ساخته ایکنینی انیقله‌دیک، بیرقطار کیشی‌لر ساخته حجت توزه‌تیب معاش آلر ایکن‌لر.»
بیزلرنینگ توییترده هم تعقیب قیلینگ!
افغانستانده اسلامی امارت حاکمیتیدن قریب ۸ آی اوتماقده، ییگولیک ماده‌لر نرخی قریب ایکی برابر آشسه‌ده، ناگران‌لر نینگ آی‌لیگی توللنمسلیگی باعث، شهیدلر نینگ عایله‌لری و معلول‌لرنی اقتصادی قیینچلیککه روپه‌رو قیلگن.
