اوچینچی دسامبر خلق‌ارا ناگرانلر کونی صفتیده نام‌لنگن. بوکونده اوروش ناگران‌لریدن قطاری بیر ییغین اوتکزیب حکومت نینگ توجه‌سیزلیگیدن تنقید قیلیب ایتیش‌لریچه، اولر کوپینچه قیین‌چیلیکلر بیلن روپه‌ره دیر و حکومت بو توغریده هیچ قندی توجه قیلمه‌گن.
ناگرانلرنینگ کوپه‌یتیریش‌لریچه، اولر اولکه‌نی قوریش و اولکه‌داشلرینی سقله‌ش اوچون بدن اعضالرینی قولدن بیرگنلر، لیکن افغانستان کیله‌جگی نی بیللی قیله‌دیگن تینچلیک مذاکره‌سیده ایسه ناگرانلرگه حق بیریلمه‌گن.
اوشبو ناگران کیشیلر، حکومتدن معاش‌لری توغری شکلده بیریلیشی، ایش زمینه‌سی یره‌تیلیشی، داروله‌نیش زمینه‌سی یره‌تیلیشی و ییر توزیع بولیش خصوصیده توجه قیلیشی نی سوره‌گنلر.
افغانستان قهرمان‌لریگه یاردم ایتوچی بنیاد مسؤلی نینگ ایتیشیچه، ناگرانلرنینگ کوپینچه قیین‌چیلیک‌لری بار و انه‌شو باعث حکومت و یاردم ایتوچی نهادلرنینگ توجه قیلیش‌لری لازم.
افغانستان قهرمان‌لریگه یاردم ایتوچی بنیاد مسؤلی هارون حیدری نینگ ایتیشیچه، باشقه قیین‌چیلیک‌لرگه علاوه، کرونا ویروسی هم ناگرانلر اوچون بویوک قیینچلیک یره‌تگن و اولرنینگ اویدن چیقه آلمسلیک‌لریگه سبب بولگن.
بو توغریده ناگرانلر وزیرلیگی نینگ فکرینی آلیش اوچون سعی و حرکت قیلدیک؛ بیراق کوپینچه سعی و حرکت بیلن موفق بولمه‌دیک.
