افغانستان تینچلیگی بوییچه آمریکا خاص نمایندهسی زلمی خلیلزاد و اوزبیکستان تشقی ایشلر وزیری عبدالعزیز کاملوف، افغانستان تینچلیک پروسهسی حقیده سوزلشگن.
جناب خلیلزاد بوگون (جمعه ۳۰- عقرب) بیر توییب یازیب ایتیشیچه، بو اوچرهشووده زوروانلیکلرنی تیزلیککه کمهیتیریلیشی و شونینگدیک افغانستان تینچلیگی خصوصیده منطقه نینگ نقشی اوستیگه صحبت اوتکزیلگن.
جناب خلیلزاد، بو اوچرهشوو واشنگتن ده بولیب اوتگنینی بیلدیرگن.
خلیلزاد نینگ کوپهیتیریشیچه، تینچلیک پروسهسیگه علاوه منطقه اقتصادی و سوداگرلیک حقیده هم سوزلهشیلگن.
افغانستان تینچلیگی بوییچه آمریکا خاص نمایندهسی و اوزبیکستان تشقی ایشلر وزیری سوزلشگن بیرحالده، افغانستان دولتی و طالبان گروهی نینگ هیأتلری سوزلشوولرنینگ طرزالعملی اوستیگه کیلیشگن.
اوتگن کون دوحه دن بیرقطار منبعلرنینگ میدیالرگه ایتیشلریچه، افغانستان حکومتی و طالبان گروهی نینگ مذاکره قیلیووچی هیاتلری سوزلشوو طرزالعملی خصوصیده کیلیشگنلر.
مذاکره قیلیووچی هیاتلر، پاکستان باش وزیری عمران خان نینگ کابلگه کیلیشی بیلن سوزلشوو طرزالعملی خصوصیده کیلیشوو صورت تاپگنیدن خبر بیرگنلر.
دوحه ده افغانستان حکومتی و طالبان آرهسیده بولگن سوزلشوولر آمریکا جمهورلیک ریاستی سیلاویدن آلدین افغانستانده زوروانلیکلر کوپهیگنی سبب، قیینچیلیکلر بیلن دوچ کیلگن ایدی.
ایکی کون آلدین افغانستان جمهور رئیسی محمد اشرف غنی، قطر امیری شیخ تمیم بن احمد آل ثانی بیلن تلفون آرقهلی تینچلیک سوزلشوولر خصوصیده صحبت قیلگن ایدی.