افغانستان دن چیت‌ایللیک کوچلرنینگ چیقیش پروسه‌سی دوام تاپگن بیرحالده، افغانستان بوییچه اروپا بیرلیگی نینگ خاص نماینده‌سی توماس نیکولسن نینگ آگاه‌لنتیریشیچه، افغانستان نینگ تینچلیک وقتی یکونلنماقده.
او، رویترز خبرگزارلیگی بیلن اوتکزگن سوزلشووده خواطر بیلدیریب ایتیشیچه، افغانستان تینچلیک پروسه‌سی حاضرگچه یخشی نتیجه بیرمه‌گن و بو توغریده اساسی ادیم‌لر کوتاریلیشی کیره‌ک. او، افغانستان تینچلیگی حقیده پاکستان نینگ نقشی گه اشاره قیلیب کوپه‌یتیریشیچه، بو مملکت طالبان گه ریجه‌لری و ایسته‌کلرینی مذاکره میزی گه ارایه قیلیش‌لری اوچون، باسیم کیلتیریش‌لرینی سوره‌گن.
بیزلرنینگ فیسبوک صحیفه‌میزگه هم باش اورینگ!
بیراق طالبان گروهی نینگ اورغولشیچه، افغانستان قیینچلیگی حل ایتیلیشی و تینچلیککه ایریشیش اوچون اقدام‌لرنی عملی قیلگنلر و بو پروسه دوام تاپیشی ممکن.
قطرده طالبان سیاسی دفتری سوزلاوچیسی محمد نعیم نینگ سلام‌وطندارگه ایتیشیچه: «اسلامی امارت نینگ مملکت قیینچیلیگی حل ایتیلیشی اوچون جدی اراده‌سی بار و بونینگ عمل ده هم ثابت قیلگن.»
عین حالده، ملی مصالحه عالی کینگش سوزلاوچیسی فریدون خوزون نینگ ایتیشیچه، تینچلیک سوزلشوولری دوام تاپیشی، اوروش یکونله‌نیشی و دایمی تینچلیککه ایریشیش اوچون توغری بیر فرصت دیر.
بیزلرنینگ توییترده هم تعقیب قیلینگ!
بونده‌ی بیاناتلر ارایه ایتیلگن بیرحالده، قطر ده طالبان و حکومت مذاکره‌چی هیأت‌لری آره‌سیده‌گی تینچلیک سوزلشوولری حاضرگچه توغری بیر نتیجه بیرمه‌گن. ایکی تامان هیأت‌لری سه‌شنبه کونی ۲۵- جوزا، ایکی هیأت تماس گروه‌لری آره‌سیده افغانستانلیکلرارا سوزلشوولری تنظیم قیلینیشی خصوصیده هر تامانلمه سوزلشوو صورت تاپگنی نی اعلام قیلدیلر.
