افغانستان تینچلیک ایشلری بوییچه امریکانینگ سابق وکیلی زلمی خلیلزاد، افغانستان بیر قطار بولیملریگه پاکستان آرقهلی اویوشتیریلگن هوا هجوملرینی قارهلب و ایتیشیچه، اسلامآباد مذاکره یولیدن کیلیشماوچیلیکلرنی حل قیلیش اورنیگه، ینه بیر مرته حربی هجومگه قول اورگن.
خلیلزادنینگ بوگون (۸-سرطان/ ۲۹-جون، دوشنبه)، اکس صحیفهسیده یازیشیچه، پاکستان مذاکره یولیدن کیلیشماوچیلیکلرنی حل قیلیش اوچون ایچکی و تشقی ایستهکلرنی نظرگه آلمهی و افغانستان گه ینه هجوم اویوشتیرگن.
شونینگدیک اونینگ اورغولشیچه، اسلامآباد حاضرگچه اسلام امیرلیگی قبول قیلگن کوپینچه تکلیف و ییچیملرگه جواب بیرمهگن.
خلیلزاد پیغامینینگ بیر بولیمیده یازیشیچه: «پاکستان آرقهلی درست جواب یا-ده هر قندهی اقدام یوقلیگی دوامیگه توجه قیلیش بیلن، بو سوراقنینگ بیان بولیشی وقتی کیلگن: اسلامآباد اوشبو کیسکینلیکنینگ حل بولیشینی ایستهیدی می؟»
پاکستان اوتگن کیچه پکتیکا ده گیان، پکتیا ده سمکنی و کنر ده منوره تومنلرینی هوا هجوملرینی بیلن نشانگه آلگن.
اسلام امیرلیگی سوزلاوچیسی ذبیحالله مجاهدنینگ اعلام قیلیشیچه، اوشبو هجوملر نتیجهسیده عیاللر و بالهلر شامل اونلب تینچاهالی «شهید» و یرهلنگن.
