اوروش‌لر سبب، ناگران بولگن کیشی‌لردن اونلرچه‌سی قندوز شهری نینگ عرض‌بیگی جاده‌سیده موچی‌گرلیک بیلن شغللنه‌دیلر.
مذکور موچی‌گرلردن بیری حبیب‌الله دیر. اونینگ ایتیشیچه، ۴ ییل آلدین قندوز شهری نینگ طالبان قولیگه سقوط قیلگنی جریانیده، هاوان اوقی توشگنی سبب، بیر ایاغی‌نی قولدن بیرگن.
حبیب‌الله دولت و طالبان گروهی دن اوروش‌نی یکونلنتیریب و آتیش‌کیسین اعلان قیلیش بیلن باشقه هیچ‌کیم‌نی ناگران قیلمه‌یش‌لرینی سوره‌یدی.
قندوز شهریده موچی‌گرلیک ایشی بیلن شغل‌لنگن ناگران‌لردن باشقه بیری محمد میرزا دیر. اونینگ ایتیشیچه، ۱۰ ییل آلدین بیر پارتلش عاقبتیده ایاغی‌نی قولدن بیرگن.
اونینگ کوپه‌یتیریشیچه، دشت‌ارچی تومنیدن قندوز شهری گه قیتیب کیله‌دیگن بیرچاغده، موترلری جاده چکه‌سیده جایلشتیریلگن ماین بیلن دوچ کیلگن.
محمد میرزا اوروشدن خسته بولگن و اوروش تامان‌لریدن آتیشمه و آدم اولدیریش دن قول تارتیش‌لرینی سوره‌یدی.
قندوز ولایتی بوییچه شهیدلر و ناگرانلر آمریتی مسوولی عبدالرحمان درویش نینگ ایتیشیچه، اوشبو ولایت ده حاضرگه‌قدر ۳۳۰۰ ناگران کیشی رویخط گه آلینگن.