بوگون (پینج‌شنبه، ۲۷- قوس) ناگران‌لردن بیرقطاری نماینده‌لر کینگشی ایشیگی اونگیده تحصن خیمه‌سی قوریب، ناگرانلر امتیازی قانونی نی شکلده عملگه آشیریلیشینی سوره‌گن‌لر.
اوشبو اعتراضچی ناگرانلر، دولت نینگ ناگرانلر ایش‌لری بوییچه وزیرلیگی ایشلریدن جدی صورتده تنقید ایتیب و آیلیک حقوقلری آزه‌یگنیدن خبر بیرگنلر.
ناگرانلر کینگشی باشلیغی حاجی مولوی میرآغا نینگ ایتیشیچه، دولت نینگ ناگرانلر ایش‌لری بوییچه وزیرلیگی مسؤل‌لری ۱۳۹۹- ییل مالی بودجه‌سی اداغ‌گه ایریش گنی اوچون آیلیک حقوقلری آزه‌ی گنیدن خبر بیرگن.
اعتراضچی ناگرانلر نینگ ایتیش‌لریچه، قیین‌چیلیک جوده کوپ بولگن، یالغیز آیلیک حقوق آزه‌ی تیریلگنی بیلن بیتمه‌یدی.
ناگران بولگن بشیر دیره اوشبو خصوصده منه بولرنی ایته دیلر.
لیکن دولت نینگ شهیدلر و ناگرانلر ایش‌لری بوییچه وزیرلیگی نینگ مسؤل‌لری، ناگرانلر آیلیک حقوقی آزه‌ی گن ادعاسی نی رد ایته‌دیلر.
دولت نینگ شهیدلر و ناگرانلر ایش‌لری بوییچه وزیرلیگی نینگ سوزلاچیسی ضیاالحق فضلی، شهیدلر وارثی و ناگرانلر آیلیک‌لری ایکی قسط شکلده تولنگن و سندلری تأیید و تثبیت بولگن کیشی‌لر آیلیک‌لرینی ایکی قسط شکلده آلگنلریدن خبر بیرگن.
اولکه‌ده‌گی ناگرانلر نیچه مرته آیلیک‌لری زمانیده تولنمس‌لیگی خصوصده حکومت دن تنقید ایتگن، لیکن ناگرانلر سوزیگه کوره، اولر قیین‌چیلیگی حل ایتیلیشی اوچون حکومت کوزگه کورینرلی شکلده توجه قیلمه‌گن.
