ساووق قیش، ایش‌سیزلیک و قشاقلیک، یانغین ماده قیمتی یوقاری کیتگنی و اهالی نینگ یمان اقتصادی وضعیتی، کابل اهالیسی دوچ کیلگن قیینچلیکلر دیر.
پایتخت ده قول ساتووچی‌لردن بیری سلیمان ایرته‌دن شام‌گچه بیر لقمه نان تاپیش اوچون پایتخت نینگ جاده‌لریده قاغذ ساته‌دی. اونینگ ایتیشیچه، بیر لقمه نان تاپیش اوچون کابل گه کیلگن و کونده ۲۰۰ افغانیدن آرتیق عایدی یوق و اونینگ کوپه‌یتیرشیچه، قول گه کیلتیره‌دیگن پول حیاتی نی کیچیریش اوچون ییترلی ایمس.
بیزلرنینگ فیسبوک صحیفه‌میزگه باش اورینگ!
کابل ده ایش قیله‌دیگن باله‌لردن باشقه بیری شازیه نینگ ایتیشیچه، پایتخت نینگ جاده‌لریده بوت رنگ قیله‌دی.
اونینگ ایتیشیچه، او و اوندن اوچ یاش یوقاری بولگن سینگلیسی عایله‌سی نینگ نان کیلتیرووچی‌لری دیر و او کونده ۸۰ افغانیدن آرتیق پول قولگه کیلتیره آلمه‌یدی. شازیه نینگ کوپه‌یتیریشیچه، آته‌سی ناگران دیر و ایش قیلیش گه کوچی یوق.
قیش موسمی نینگ ساووقلیگی و یمان اقتصادی وضعیت‌دن شکایت قیلگن یالغیز سلیمان و شازیه ایمس، بلکیم مملکت یشاوچی‌لریدن مینگ‌لرچه‌سی شونده‌ی بیر تقدیر بیلن روپه‌رو دیر.
مملکت یشاوچیلری نینگ حیات وضعیتی نی یخشی‌لنتیریش گه اسلامی امارت نینگ نیمه برنامه‌سی بارلیگی نی بیلیش اوچون اسلامی امارت سوزلاوچیسی نینگ فکرینی اورگه‌نیش ایسته‌دیک، بیراق کیین‌مه‌کیین قونقیراغ بیلن موفق بولمه‌دیک.
