اسلام امیر‌لیگی ایش اداره‌سی نینگ عمومی ریاستی، اوتگن کون (چهارشنبه ۲۳-حمل) بیر خبرنامه ترقه‌تیب، یشاوچیلر گه الکترونیکی کیم‌لیک نینگ هر بیر ورقی ۵۰۰ افغانی ترقه‌تیلیشی ممکن دیگن.
معلومات و ملی احصاییه اداره‌سی سوزلاوچیسی محمد‌حلیم رافیع نینگ ایتیشیچه، اوتگن کون وزیرلر کینگشی نینگ اوچینچی جسله‌سیده، بو قرار تایید بولیب و هر بیر کیم‌لیک نینگ قیمتی ۳۰۰دن ۵۰۰ افغانی گه کوپه‌یگن.
بیراق یشاوچیلری کیم‌لیک قیمتی کوپه‌یگنی‌دن شکایت قیلیب و ایتیش‌لریچه، بو قرار اهالی نی کیم‌لیک آلیش‌دن واز کیچتیریشی ممکن.
بیزلرنینگ فیسبوک صحیفه‌میزگه باش اورینگ!
عایله‌سی گه کیم‌لیک آلیش ایسته‌گن کابل شهری سینما پامیر منطقه یشاوچیسی ساحل عظیمی نینگ ایتیشیچه، کیم‌لیک قیمتی نی توللش گه کوچی ییتیشمه‌یدی.
اونینگ کوپه‌یتیریشیچه: «اوزیم کیم‌لیک آلگنیم پیتده، ۱۰۰ افغانی ایدی. حاضر ایسه یوقاری کیتگن. بو رقم بیر وضعیت‌ده قیمت‌لر یوقاری کیتگنی‌دن انسان هویتی نی هم بیلمه‌یدی. بو رقم شرایط‌دن توسیق بولینیشی و قیمت‌لر نینگ کمه‌یشی کیره‌ک؛ ایش هم کمه‌یگن، بیرق اوتمیش‌ده آسایشته‌لیک بار ایدی، حاضر ایسه ایشلر هم تیز بیر شکلده پیش کیتمه‌یدی.»
کابل یشاوچیلریدن باشقه بیری صالح، حکومت‌دن کیم‌لیک قیمتی نینگ کمه‌یشی نی ایسته‌گن. «قرنطین وقتی‌ده مین اوزیم کیم‌لیک نی ۱۰۰ افغانی بیلن آلگن ایدیم. اهالی قیین‌چیلیک بیلن روپه‌ره بولگنی پیتده، قنده‌ی پول تاپسین. ۱۰۰ افغانی یخشی ایدی و ۵۰۰ افغانی بیخی کوپ و اهالی نینگ کوچی ییتیشمه‌یدی. دولت بو توغریده توجه قیلیب و سابق کبی ۱۰۰ یا-ده ۲۰۰ افغانی بولیشی کیره‌ک.»
بیزلرنینگ توییترده هم تعقیب قیلینگ!
شونینگدیک میدان‌وردک یشاوچیسی بولمیش شهاب‌الدین نینگ ایتیشیچه: «قریب بیر آی آلدین ۳۰۰ افغانی گه کیم‌لیک آلدیک. حاضر ایسه ینگی بیر مکتوب کیلگن که، اونینگ اساسیده قیمت‌لر ۵۰۰ افغانی بولگن. بو خو بیخی قیین دیر. ۳۰۰ افغانی گه کوچی‌میز ییتیشمه‌یدی حاضر ایسه قیمت نینگ یوقاری کیتگنی اوچون بیلمه‌یمن اهالی نینگ کیم‌لیک آلیش گه کوچی ییتیشیب ییتیشمه‌یشی نی بیلمه‌یمن.»
عین حالده، ملی احصاییه و معلومات اداره سوزلاوچیسی محمد‌حلیم رافیع نینگ ایتیشیچه، برقی وسیله‌لر و دنیا بازار‌لریده الکترونیکی کیم‌لیک‌لر خصوصیده‌گی نیاز مورد‌لر قیمتی نینگ یوقاری کیتگنی سبب، کیم‌لیک قیمتی یوقاری کیتگن.
شونده‌ی بیرحالده، اسلام امیر‌لیگی نینگ قدرت گه ایریشمه‌گنی‌دن آلدین الکترونیکی کیم‌لیک قیمتی ۱۰۰ افغانی بیلن یشاوچیلری گه توزیع بوله‌ر ایدی.
