برقی کیم‌لیک توزیع قیلیش مرکزلر ایشلاوچیلریدن بیرقطاری نینگ سلام‌وطندار گه ایتیشلریچه، اسلامی امارت گه باغلیق قطار کیشی‌لر، زور، واسطه و نوبت‌سیزلیک بیلن، نا قانونی روشده برقی کیم‌لیک آله‌دیلر.
اولر نینگ ایتیشلریچه، مذکور کیشی‌لر برقی کیم‌لیک ترقه‌تیش جریانی تیزیمینی بوزیب و عادی اهالی گه برقی کیم‌لیک توزیع قیلیش جریانی توخته‌تیلیشی گه سبب بوله‌دیلر.
بیزلرنینگ فیسبوک صحیفه‌میزگه باش اورینگ!
برقی کیم‌لیک توزیع قیلیش مرکزلردن بیری نینگ ایشلاوچیسی آتی سِر قالیش شرطی بیلن سلام‌وطندار گه ایتیشیچه: «زور کورسته‌دیلر، برچه گه بیللی. بیز گه مراجعت قیلسه اولر گه یول کورسته‌میز، چونکه اولر بایومتریک بوله‌‌دی، مرکزی باسمه‌خانه ایچکی ایشلر وزیرلیگی ده دیر او ییرده باریش‌لری کیره‌ک. بو ییرده نوبت‌لری هم بولمسه کیله‌دیلر، باشقه کیشی اولرنی تانیشتیره‌دی، زوردن کیلیب کیم‌لیک چاپ قیلیشنی ایسته‌یدیلر.»
مذکور مرکزلرنینگ ایشلاوچیلریدن باشقه بیری گه کوره، اسلامی امارت گه باغلیق نیچه کیشی، اوشبو اداره نینگ قانون_قاعده‌لری نی نظرگه آلمسدن برقی کیم‌لیک تیارلشنی سوره‌گنلر.
بیزلرنینگ توییترده هم تعقیب قیلینگ!
حسابات ومعلومات ملی اداره، اوشبو کیشی‌لر بارلیگینی رد قیله‌دی. حسابات و معلومات ملی اداره سوزلاوچیسی محمدحلیم رافیع نینگ ایتیشیچه، حج باره‌دیگنلردن باشقه کیمسه گه، نوبت‌سیز برقی کیم‌لیک بیریلمه‌یدی.
ایتیش کیره‌ک که، نیچه کون آلدین قطار ولایت‌لر نینگ پاسپورت ریاست‌‌لریده بیرقطار کیشی‌لر، اداری فساد و پاره آلیش‌گه عیبله‌نیب قولگه آلینگن ایدیلر.
