جوزجان ولایتی کسل‌خانه‌سیگه درمان اوچون مراجعت قیلگن کسل‌لردن قطاری نینگ ایتیش‌لریچه، اوشبو کسل‌خانه‌ده قابله کم‌لیگی، کیفیت‌لی طبی خذمت‌لر ارایه‌سی نی امکان‌سیز قیلگن.
اولر نینگ ایتیش‌لریچه، مذکور کسل‌خانه‌ده بیش قابله نینگ حضوری بار که، توغروق بولیمی‌ده‌گی کسل‌لردن برچه‌سی نینگ قیین‌‌چیلیگی نینگ حل قیلیش گه کوچ‌لری ییتیشمه‌یدی و بو وضعیت نینگ دوام تاپگنی صورت‌ده، آنه و چقه‌لاق‌لر اولیمی میزانی یوقاری کیتیشی ممکن.
بیزلرنینگ توییترده هم تعقیب قیلینگ!
جوزجان ولایتی مرکزی کسل‌خانه‌سی گه مراجعت قیلگن اوشبو ولایت یشاوچیلریدن مرجانه نینگ سلام‌وطندار گه ایتیشیچه: «کسلخانه گه معاینه بولیش اوچون کیلگنی‌میز پیتده، اوشبو کسل‌خانه‌ده یالغیز بیر یا-ده اوچ داکتر بار که، کسل‌لر سانی کوپ‌لیگی سبب، نوبت ییتیشمه‌یدی.»
شونینگدیک اوشبو کسلخانه گه مراجعت قیلگن‌لردن باشقه بیری گلنار نینگ ایتیشیچه: «معاینه اوچون کسلخانه گه مراجعت قیلگنی‌میز پیتده، داکتر هم یوق، قاله هم. بولگنی صورت‌ده هم کسل‌لر گه توجه قیلمه‌یدیلر. کسل‌خانه‌ده اوچ یا-ده تورت کیشی بار.»
جوزجان ساغلیق نی سقلش ریاستی مسئوللری نینگ ایتیش‌لریچه، مذکور ولایت نینگ اون تومنی‌دن کیلگن کسل‌لر یانیده، شونینگدیک سرپل، فاریاب و بادغیس‌دن هم جوزجان ولایتی کسل‌خانه‌سی گه مراجعت قیلگن کیشی‌لر هم بار.
جوزجان ساغلیق نی سقلش ریاست سرپرستی ذبیح‌الله حسینی نینگ سلام‌وطندار گه ایتیشیچه، اوشبو ولایت مرکزی کسل‌خانه‌سیده ستندرد اسکونه و امکایت‌لر موجود دیر؛ بیراق مذکور کسل‌خانه‌ده قابله کم‌لیگی جدی بیر قیین‌چیلیک دیر.
جناب حسینی نینگ کوپه‌یتیریشیچه، ساغلیق نی سقلش وزیرلیگی معیاری اساسیده، ۱۴ قابله نینگ موجود بولیشی کیره‌ک، بیراق جوزجان ولایتی کسل‌خانه‌سی، کسل‌لر گه بیش قابله بیلن طبی خذمت‌لر نی ارایه قیله‌دی.
بیزلرنینگ فیسبوک صحیفه‌میزگه باش اورینگ!
اونینگ ایتیشیچه: «معیار تکمیل ایمس و بو جمهوریت زمانی‌دن میراث قالگن. ساغلیق نی سقلش وزیرلیگی نینگ معیاری ۱۴ قابله دیر و ولایتی بیر کسل‌خانه‌ده، جوزجان اهالی‌سی گه ۵ قابله ساغلیق خذمت‌لر نی ارایه قیله‌دی. ساغلیق نی سقلش وزیرلیگی سوز بیرگن و بو ایش بیراز ایلگری کیتگن، شونینگدیک سعی و حرکت قیله‌میز. کابل گه قیلگن سفری‌میز‌دن مقصد، ولایتی کسلخانه تشکیلی نی کوپه‌یتیریش دیر.»
عین حالده، جوزجان یشاوچیلری اوشبو ولایت مرکزی و تومن‌لریده هم طبی خذمت‌لر ارایه‌سیدن شکایت قیله‌دیلر.
