جوزجان ولایتی ایکینچیلیک، سووغاریش و چارواچیلیک ریاستی مسئوللری نینگ ایتیشلریچه، جوزجان مرکزی شبرغان شهریده جایلشگن جنگل باغ نینگ قیته قوریش ایشی تاریخی سبک نظرده توتیلیب آلغه آلیب باریلماقده، مسوللرگه کوره، مذکور باغ نی اجتماعی و فرهنگی اورنی سقله‌نیشی اوچون معیاری بیر دم آلیش مکان ایجاد قیله‌دیلر.
جوزجان ولایتی ایکینچیلیک، سووغاریش و چارواچیلیک ریاستی نینگ باشلیغی عبادالله انصار نینگ ایتیشیچه، جنگل باغ، ۱۳۱۲- ه-ق ییل ۴۰۰ جریب ییرگه قوریلگن و مذکور باغ شبرغان شهری نینگ ۷ کیلومترلیگیده جایلیشگن دیر.
جناب انصار نینگ کوپه‌یتیریشیچه، جنگل باغ نینگ قیته قوریش ایشی حاضر «مدرن ایکینچیلیک و چاروا چیلک» موسسه‌سی تامانیدن خلق‌ارا آزیق- آوقات تشکیلاتی نینگ مالی یاردمی بیلن آلغه آلیب بارماقده، شونینگدیک مذکور باغ کیله‌سی آلتی آی قدر قوریلیب فایده‌له‌نیش‌گه تاپشیریلیشی ممکن.
جناب انصار نینگ کوپه‌یتیریشیچه، اوشبو تفریحی باغ نینگ قیته قوریش ایشی باشله‌نیشی بیلن ۱۷۰ کیشی‌گه ایش زمینه‌سی فراهم ایتیله‌دی.
بیزلرنینگ توییترده هم تعقیب قیلینگ!
جناب انصارگه کوره: «بیز جنگل باغ نی قیته قوریش اوچون سعی و حرکت قیلماقده میز، حاضر ۱۷۰ کیشی ایش قیله‌دی. بیز جنگل باغ نی کورکم قیلیش اوچون کوچی میز باریچه حرکت قیله میز.»
عین‌حالده، جوزجان بیرقطار یشاوچیلری نینگ ایتشلریچه، اوتگن ییللرگه قره‌گنده دم آلیش فرهنگی یخشی شکلده رواجلنگن، بیراق تفریحی مکانلردن حفاظت قیلینمسلیگی سبب تفریحی مکانلر ویران ایتیله‌دی.
اولرنینگ ایتیشلریچه، اوشبو کتته تفریحی باغ که مینگلرچه ثمرلی و ثمر سیز کوچَت نی اوز بغریده اوستیرگن قیته قوریش یخشی بیر ایش دیر.
جوزجان یشاوچیلریدن بیری عنایت‌الله نینگ ایتیشیچه: «جنگل باغ مملکت شمالی‌ده جایلشگن اینگ کتته باغ‌لردن بیری دیر مذکور باغ جوده کتته و تورلی میوه‌لری بار مذکور باغ نینگ قیته قوریلیشی اوچون دقت قیلینیشی کیره‌ک.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، جوزجان ولایتی بیرقطار مدنی فعاللری، اوشبو باغ نی قیته قوریلیشینی خوش قرشی‌لب ایتیشلریچه، مذکور باغ اوشبو ولایت ایکینچیلیک و چارو چیلیک ریاستی تامانیدن حفاظت قیلینیشی کیره‌ک.
