غزنی ولایتی کسلخانهسی مسئوللری، اوشبو ولایت‌ده توییب آوقتلنمسلیککه چلینگن باله‌لر سانی کوپه‌یگنی‌دن خبر بیریب و ایتیشلریچه، تورلی عامللر باله‌لر نینگ اوشبو کسل‌لیککه چلینیشی گه سبب بولگن.
غزنی ولایتی کسلخانهسی باشلیغی نیازمحمد نوری نینگ سلام‌وطندار گه ایتیشیچه، سونگی بیر ییلده مذکور ولایت‌ده توییب آوقتلنمسلیککه چلینگن باله‌لر سانی کوپه‌یب و اونینگ سببلری ایسه قشاقلیک کوپه‌یگنی و عایله‌لر آره‌سیده باله توغیش فاصله‌سی نینگ رعایت ایتیلمسلیگی دیر.
بیزلرنینگ فیسبوک صحیفه‌میزگه باش اورینگ!
نوری نینگ کوپه‌یتیریشیچه: «توییب آوقتلنمسلیک کوپراق ییترلی آزیق-آوقتی بولمه‌گنی یا-ده درست شکلده آوقتلنمسلیک سبب، اورته گه کیله‌دی. قیغو بیلن غزنی ولایتی اهالی آوقت‌لنیشی برابر شکلده ایمس. اونینگ باشقه سببی باله دنیا گه کیلیتیریش اورته‌سیده فاصله نی رعایت قیلمسلیک دیر؛ اولر بیلمه‌یدیلر که باله دنیا گه کیلتیریش اورته‌سیده قنچه فاصله بولیشی کیره‌ک.»
توییب آوقتلنمسلیککه چیلنگن باله‌سی نی دوالنیش اوچون غزنی کسل‌خانه‌لریدن بیریگه کیلتیرگن آنه، خذمتلر ارائه‌سی و مصرف قیلگن دارولر نینگ اثر قیلیشی خصوصیده ایتیشیچه: «باله‌م آلتی آیلیک؛ قلعه‌ی‌نو خواجه‌روشنایی دن کیلگن‌مین؛ چونکه باله‌م توییب آوقتلنمسلیککه چلینگن. حاضر وضعیتی یخشی‌راق بولگن؛ شفاکار ان‌شاءالله ایرته رخصت بولیشی نی ایتدی. باله‌م نی کیلتیرگنیم‌دن بیش کون بوله‌دی؛ بو اوچینچی باله‌م دیر؛ ایکی باله‌م بو رقم ایمس ایدی؛ بو باله‌م توییب آوقتلنمسلیککه چیلنگن. امکانیتلر و شفاکارلر، برچه نرسه بار.»
باشقه بیرتاماندن، توییب آوقتلنمسلیککه چلینگن باله‌سی نی دوالنیش اوچون کسلخانه گه کیلتیرگن غزنی یشاوچیلریدن باشقه بیری جان‌محمد، مذکور کسل‌لیک طفیلی باله‌سی نینگ کوچ‌سیز بولگنی خصوصیده ایتیشیچه: «۱۳ آیلیک ییگیت دیر. حاضرگچه اولتیره آلمه‌یدی و یوره آلمه‌یدی؛ شو رقم هیچ نرسه هم ییمه‌یدی. باشقه بیر مرته هم شو ییرگه بستر بولگن؛ قیین‌چیلیکلری حل بولدی؛ بیراق اوی گه ایلتگنیمیزدن کیین ینه هم شو رقم بولدی. حاضر ینه بستر قیلدیک؛ توکل خدا گه کوره‌یلیک که شفاکارلر نیمه دیه‌دی.»
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، غزنی ده توییب آوقتلنمسلیککه چلینگن باله‌لر نی دوالنیش مرکزی مسئولی محمدانور همت نینگ ایتیشیچه، اوشبو ولایت مرکزی و تومن‌لریده یشاوچیلر آره‌سیده معلومات بیریش کوپه‌یگنی بیلن، دوالنیش اوچون کسل‌دارلر مراجعتی هم کوپه‌یگن.
ایتیش کیره‌ک که، غزنی ده توییب آوقتلنمسلیککه چلینگن باله‌لر سانی کوپه‌یشی بیلن مذکور ولایت نینگ ولایتی کسل‌خانه‌سیده توییب آوقتلنمسلیککه چلینگن باله‌لر نینگ دوالنیش مرکزی، مراجعت قیله‌دیگنلر و کسل‌لر قیین‌‌چیلیگی حل بولیشی اوچون بسترلری نی کوپه‌یتیرگن.
