ننگرهار یشاوچی‌لریدن بیرقطاری نینگ ساغلیک خذمت‌لر یخشی شکلده ارایه ایتیلمس‌لیگیدن شکایت قیلیب ایتیش‌لریچه، اوشبو ولایت نینگ بیرقطار تومن‌لریده بولگن ساغلیک مرکزلرده ساغلیک امکانیت و تجهیزات یوق دیر.
بیزلرنینگ فیسبوک صحیفه‌میزگه باش اورینگ!
اولرنینگ ایتیش‌لریچه، کسللرینی باشقه منطقه‌لر یا-ده جلال‌آباد شهری‌گه انتقال بیریش‌گه مجبور بوله‌دیلر، لیکن اقتصادی قیین‌چیلیکلر سبب، بو ایش‌نی هم انجام بیره آلمه‌یدیلر.
مسعود، کسلی‌نی درمانلش اوچون دوربابا تومنیدن غنی خیل تومنی نینگ شینواری کسلخانه‌سیگه آلیب بارگن. اونینگ ایتیشیچه، امکانیت یوق‌لیگی سبب، نیاز بولگن دارولرنی خصوصی دارو خانه‌لردن ساتیب آله‌دی.
او، یاردم بیرووچی نهادلردن ساغلیک بولیم‌لرده کوپراق یاردم بیریش‌لرینی سوره‌یدی.
ننگرهار کسلخانه‌لریده ساغلیک امکانیت و دارو بولمه‌گنی چیککه‌سیده، لوجستیکی مواد نینگ کم‌لیگی هم ساغلیک خذمت ییتیشتیریش‌گه قرشی قیین‌چیلیک یره‌تگن.
کامه تومنی یشاوچی‌لریدن بیری عبدالله نینگ ایتیشیچه، کسلخانه‌لرگه نیاز بولگن ماده یوق و انه‌شوو سبب، داکترلر یخشی شکلده فعالیت قیله آلمه‌یدی.
ننگرهار ولایتی بوییچه ساغلیقنی سقلش ریاستی مسوول‌لریدن بیری عطاالرحمن فاتح نینگ دارو و باشقه امکانیت کم‌لیگی‌نی تصدیق‌لب ایتیشیچه، مذکور قیین‌چیلیکلرنی حل قیلیش اوچون یاردم بیرووچی نهادلر بیلن صحبت قیلگن‌لر و اولر یاردم بیریشدن ایشانچ بیرگن.
بیزلرنینگ توییترده هم تعقیب قیلینگ!
مملکت باشقه ولایت‌لریده هم ساغلیک خذمت‌لر ییتیشتیریش خصوصیده قیین‌چیلیکلر بار، لیکن بیرلشگن ملت‌لر تشکیلاتی نینگ انسان دوست‌لیک ایش‌لری بوییچه هماهنگ‌لیک دفتری اوتگن هفته افغانستانده ساغلیک بولیم ده ۴۵ میلیون دالر یاردم بیریلیشی‌نی بیلدیرگن ایدی.
