فراه ده مخدره ماده‌گه چلینگنلرنی درمانلش کسلخانه مسئولی عبدالودود نیازی نینگ سلام‌وطندارگه ایتیشیچه، کون اوتیش بیلن کسل‌لرنینگ کوپه‌یشی سبب، یاتاق، دارو و ییگولیک ماده کم‌لیگی بیلن روپه‌ره بولگنلر. جناب نیازی نینگ کوپه‌یتیریشیچه، قیین‌چیلیکلرینی محلی و مرکزی مسئوللر بیلن شریک قیلگنلر و بو قیین‌چیلیکلرنی حل قیلیشی اوچون سعی و حرکت قیله‌دیلر.
بیزلرنینگ فیسبوک صحیفه‌میزگه باش اورینگ!
فراه ده مخدره ماده‌گه چلینگنلرنی درمانلش کسلخانه مسئولی نینگ ایتیشیچه، اسلامی امارت حاکم بولگنیدن حاضرگه‌قدر مخدره ماده‌گه چلیگنلردن ۷۰۰ ته‌سی درمانلنیش اوچون کسلخانه‌گه مراجعیت قیلگنلر.
عبدالودود نیازی نینگ کوپه‌یتیریشیچه:« دارو بولیمیده آزراق قیین‌چیلیگی‌میز بار، بیراق ساغلیق‌نی سقلش ریاستی بیرقطار موردلرگه یاردم بیره‌دی. سعی و حرکتلرنی دوامی بار. مرکزی دفتر و ساغلیق‌نی سقلش و مالیه وزیرلیگی بیلن منظم شکلده تماس آله‌میز، قیش موسومی کیلمسدن آلدین هزینه‌لر پولی‌نی بیزلرنینگ اختیاریمیزگه قرار بیریلیشی ممکن.»
عین‌حالده، فراه ولایتیده مخدره ماده‌گه چیلینگنلرنی درمانلش کسلخانه‌سیگه مراجعیت قیلگن کیشی‌لردن قطاری نینگ ایتیش‌لریچه، اولرنینگ وضعیت‌لریگه یخشی شکلده دقت قیلینمه‌یدی.
شونینگدیک، فراه ولایتی بوییچه ساغلیق‌نی سقلش ریاستی اورین باسری عبدالجبار شایق نینگ ایتیشیچه، اوشبو ولایت کسلخانه‌سیده بولگن کسل‌لرگه دقت قیله‌دیلر و یالغیز ییگولیک ماده بولیمیده قیین‌چیلیک بیلن روپه‌ره بولگنلر و مذکور قیین‌چیلیکلرنی حل قیلیش اوچون سعی و حرکت قیله‌دیلر.
فراه ولایتی بوییچه ساغلیق‌نی سقلش ریاستی اورین باسری نینگ ایتیشیچه:« بو کسلخانه‌گه عایله‌لری تامانیدن کیلتیریلگن کسل‌لردن قطاری بستر ایتیله‌دی و اولر بیلن مخدره ماده‌گه چلینگنلرنی درمانلش قانونی‌گه کوره یول باریله‌دی. حاضرده فراه ولایتیده مخدره ماده‌گه چلینگنلرنی بستر قیلیش اوچون ۱۳۵ یاتاقی‌میز بار بو جمله‌دن ۱۰۰ ته‌سی ایرکک‌لر و ۳۵ ته‌سی ایسه عیاللر و باله‌لرگه اجره‌تیلگن.»
بیزلرنینگ فیسبوک صحیفه‌میزگه باش اورینگ!
ایتیلیشیچه، اوتگن ایکی آی جریانیده کمیده ۷۰۰ بنگی فراه شهریدن اسلامی امارت تامانیدن توپلگن و حاضرده درمانلنش آستیگه قرار بیریلگن. اوشبو ولایت محلی مسووللری مخدره ماده‌گه چلینگنلردن بیرقطاری درمان‌لنیب جماعه‌ده قیتیش‌لریدن امیدوارلیک بیلدیره‌دیلر.
