غزنی یشاوچیلریدن قطاری نینگ ایتیشلریچه، اوشبو ولایت خصوصی کسلخانه و ساغلیق مرکزلریدن قطاریگه مسلکی داکترلر اورنیده تجربه‌سیز و بیلیم‌یورتدن فراغت حاصل قیلمه‌گن طلبه‌لر ناچیز آیلیک برابریده ایش قیله‌دیلر.
یشاوچیلر نینگ ایتیشلریچه، مذکور تجربه‌سیز طلبه‌لرنینگ شفاکار صفتده ساغلیق مرکزلرده ایش قیلیشلری کسللرنینگ خواطریگه سبب بولگن.
غزنی یشاوچیلریدن بیری نسیم نینگ سلام‌وطندارگه ایتیشیچه: «مذکور کسلخانه‌ده شفاکار صفتیده ایش قیلووچی کیشی فراغت حاصل قیلمه‌سی اوشبو کسلخانه‌لرده مقرر بولگنلر هیچ نرسه‌نی بیلمه‌یدیلر یشاوچیلرنی کوپینچه قیینچیلکلر بیلن روپه‌ره قیلگنلر حتا سیروم اوتکزیشنی هم بیلمه‌یدیلر.»
بیزلرنینگ توییترده هم تعقیب قیلینگ!
عین‌حالده، غزنی یشاوچیلری اوشبو ولایت ساغلیق‌نی سقلش ریاستی‌دن مذکور خصوصی کسلخانه‌لر و ساغلیق مرکزلرنینگ بو ایشلریگه توسیق بولیشینی سوره‌یدیلر.
مذکور ولایت شفاکارلریدن بیری سید نصرت فروتن اوشبو موضوع‌نی تصدیقلب ایتیشیچه، اوشبو وضعیت نینگ دوام ایتیشی یامان عاقبتگه سبب بولیشی ممکن، مسئوللر بوکبی ایشلرنینگ آلدینی آلیشلری کیره‌ک.
شونده‌ی بیرحالده، غزنی شفاکارلر بیرلشمه‌سی نینگ باشلیغی محمدنعیم صاحبی، مذکور خصوصی کسلخانه‌لرده غیرمسلکی شفاکارلرنینگ ایش قیلیشلرینی تصدیقلب ایتیشیچه، بیرقطار خصوصی کسلخانه‌لرده نیمه عالی طبی انستیتوت‌لرنینگ طلبه‌لری تجربه حاصل قیلیش اوچون شفاکار صفتده ایش قیله‌دیلر.
بیزلرنینگ فیسبوک صحیفه‌میزگه باش اورینگ!
عین‌حالده، غزنی ساغلیق‌نی سقلش ریاستی نینگ باشلیغی مولوی مصباح نینگ ایتیشیچه، مسلکی شفاکارلر اورینده تجربه‌سیز کیشیلر ایش قیلیشلری خصوصیده‌گی اداعالر توغری ثابت بولگن صورتده، متخلف‌لر بیلن قانونی یانده‌شیله‌دی.
اونینگ کوپه‌یتیریشیچه، دولتی کسلخانه‌لرده هم غیر مسلکی کیشیلرگه ایش قیلیش اوچون رخصت بیریلمه‌یدی.
مملکت‌ده دولتی ساغلیق مرکزلر یانیده خصوصی ساغلیق مرکزلرنینگ فعالیت قیلیشلری یشاوچیلرگه کوپینچه قوله‌یلیک یره‌ته‌دی، بیراق بیرقطار موردلرده امکانیت یوقلیگی، کیفیت‌سیز و قیمت بها دوا-دارولرنینگ عرضه قیلینیشی جامعه‌ده اوشبو مرکزلرنینگ ساغلیق اصوللرگه قرشی سلبی بُعدلریدن دیر.
