افغانستان ده، سونگی ییللرده اوتگن اوروشلردن پارتلمهی قالگن ماینلر پارتلشی تینچ اهالی اینیقسه بالهلر نینگ اولیمی گه سبب بولگن عامللردن بیری سنلهدی.
غزنی ولایتی واغظ تومنیده عیاللر و بالهلر شامل آلتی کیشی اولیب و یرهلنیشی، ناهور تومنیده ایکی باله هلاک بولیشی، غزنی شهری ده علیحده ایکی واقعه ده ایکی باله نینگ اولیشی و ینگیلیکده ناوه تومنیده بیر باله نینگ هلاک بولیشی، میدیالرده ترقهلگن واقعهلردن عبارت دیر.
غزنی ولایتی واغظ تومنی یشاوچیسی ۴۰ یاشر نورالله، ایکی آی آلدین اوشبو تومن ده هاوان اوقی پارتلشی باعث آلتی یاشر جینینی قولدن بیرگن سلاموطندار گه ایتیشیچه، منطقهلریده پارتلمهی قالگن ماینلر کوپ دیر. او حکومت دن منطقهلریدهگی ماینلر تازهلهنیشینی سورهیدی.
بیزلرنینگ فیسبوک صحیفهمیزگه باش اورینگ!
غزنی یشاوچیلریدن باشقه بیرقطاری گه کوره، یشاوچیلر قیشلاقلرده اینیقسه اوروش بولگن منطقهلرده پارتلمهی قالگن ماینلر بارلیگی اوچون تینچ یوره آلمهیدیلر.
اولر، اسلام امیرلیگی و ماین تازهلش نهادلردن منطقهلرینی پارتلمهی قالگن ماینلردن تازهلشینی طلب قیلهدیلر.
غزنی تومنلریده پارتلمهی قالگن ماینلر کوپراق کوچیلردن قربانلیک آلهدی.
بیرقطار کوچیلر گه کوره، باشقه منطقهلر گه باریب_کیلیش و چاروهلرینی اوتلهتیش پیتیده، ماینلر گه دوچ بولیب قربان بولهدیلر.
غزنی ده کوچی ییگیتلر نینگ نمایندهسی محمدانور کوچی نینگ سلاموطندار گه ایتیشیچه، حکومت بو گَل واقعهلر طفیلی اولیب و یرهلنگنلر عایلهلری گه اقتصادی یاردم بیریشی کیرهک.
اونگه کوره، اولر نینگ اقتصادی ضعیف دیر و شونینگدیک، ساغلیک امکانیتلردن فایدهلنه آلمهیدیلر.
بیزلرنینگ توییترده هم تعقیب قیلینگ!
عینحالده، غزنی حاکمی سوزلاوچیسی عمرغزنوی مذکور ولایت ده پارتلمهی قالگن ماینلر پارتلشی طفیلی تلفات رقمی کوپهیشینی تصدیقلب ایتیشیچه، اوتگن ییل ده غزنی ولایتی نینگ قطار منطقهلری ماینلردن تازهلنگن و اوشبو ییل ده یشاوچیلر و اسلام امیرلیگی تامانیدن گمان بولگن منطقهلر، تیزلیک بیلن تازهلنه دی.
جناب غزنوی نینگ کوپهیتیریشیچه، اوروشلردن پارتلمهی قالگن ماینلر پارتلشی باعث عایله اعضالرینی قولدن بیرگن عایلهلر گه یاردم بیریش اوچون ایریم برنامهلرنی نظرگه آلگنلر. او یشاوچیلردن بوتوغریده اسلام امیرلیگی کوچلری بیلن همکارلیک قیلیب و بالهلرینی گمانلی نرسهلر بیلن اوینش گه ایزین بیرمسلیکلرینی طلب قیلگن.