غزنی معلومات و مدنیت ریاست مسٔوللری نینگ ایتیش‌لریچه، بو ولایت موزیمی نینگ اسلام و بودایی دوره‌لریده‌گی اثرلرینی تعمیرلش ایشی ینگی‌لیکده باشلنگن، بیراق بو موزیم نینگ ۱۰۰ دن آرتیق اثری نی اساسی و مسلکی شکلده تعمیرلش گه نیازی بار.
غزنی اسلامی دوره موزیم مدیری آقامحمد خوشه‌زاده نینگ ایتیشیچه، موزیم اثرلری احتیاج و قوللنیشلری اساسیده، تعمیرلش بولیمیگه کیلتیریلیب و اوندن کیین، اثرلر کورگزمه‌سی ویترین‌لریده کوروچیلر اوچون نمایش گه قوییله‌دی.
بیزلرنینگ فیسبوک صحیفه‌میزگه باش اورینگ!
غرنی موزیمی‌ده اسلام دوره‌سیدن قالگن مینگ‌دن آرتیق اثر بار که ۱۵۰ اثری نمایش‌گاه‌ده و اوندن کوپ قطاری ایسه دیپو‌ده سقلنه‌دی. شونینگدیک اوشبو موزیم‌ده کمیده ۱۲۰۰ بودایی اثر بار که برچه‌سی دیپو‌ده سقلنه‌دی و بولر نینگ نمایش گه قوییش اوچون حاضرگچه زمینه مساعد بولمه‌گن.
غزنی موزیمی نینگ عمومی مدیری محمد‌آصف حنفی ایتگن که اوشبو موزیم نینگ نمایشگاه‌سیده، حاضرگچه غزنوی‌لر و تیموریلر دوره‌سی گه تیگیشلی اسلامی دوره نینگ ۱۵۰ اثری نمایش گه قوییلگن و اثرلردن یوزدن آرتیغی، اساسی و مسلکی تعمیرلش گه نیازی بار. اونینگ کوپه‌یتیریشیچه، هر ییل معلومات و مدنیت وزیرلیگی‌دن غزنی نینگ اثرلری نی تعمیرلش اوچون مسلکی انجینیرلر کیله‌دیلر و غزنی محلی ایشلاوچیلری بیلن تعمیرلش گه نیازی بولگن اثرلرنی تعمیرله‌یدیلر.
شونده‌ی بیرحالده، غزنی موزیم اثرلری نینگ تعمیرلش مدیری محمد‌تقی بیات، اوشبو بولیم‌ده مواد کملیگی نی بیلدیریب و اسلامی امارت معلومات و مدنیت وزیرلیگی‌دن بوتوغریده همکارلیک قیلیشی نی ایسته‌یدی.
بیزلرنینگ توییترده هم تعقیب قیلینگ!
باشقه بیر تامان‌دن، غزنی معلومات و مدنیت ریاست رئیسی حبیب‌الله مجاهد نینگ ایتیشیچه، اوشبو اداره معلومات و مدنیت وزیرلیگی گه مرکز‌دن مسلکی انجینیرلر بیلن اساسی مواد یوباریشلری اوچون پیشنهاد بیرگن. اونگه کوره، گرچند اوشبو اداره نینگ ایشلاوچیلری تامانیدن اثرلر نینگ تعمیرلش ایشی باشلنگن بولسه‌ده، بیراق بعضی اونملی اثرلر نینگ تعمیرلش ایشی غزنی موزیم محلی ایشلاوچیلری نینگ کوچلریدن یوقاری دیر و مسلکی کیشی‌لر گه نیاز دیر.
ایتیش کیره‌ک که، حاضر ایسه غزنی موزیمی نینگ اثرلر نمایشگاه‌سیدن کونده اونلرچه کیشی کوره‌دی که بولردن کوپ قطاری نی طلبه‌لر و اوقووچیلر تشکیل بیره‌دی. کوروچیلر، غزنی نینگ تاریخی و باستانی اثرلرینی تانیشتیریش اوچون بو نمایشگاه بارلیگینی، اوشبو ولایت نینگ مدنی کتته غنیمت‌لریدن عنوان قیله‌دیلر.
