بدخشان ولایتی نینگ بیرقطار تومنلریده مناسب مواصلاتی یوللر بولمهگنی سبب، مذکور تومنلر یشاوچیلریگه قرشی قیینچیلیک یرهتگن.
بدخشان ولایتی نینگ دروازلر، راغلر و شهربزرگ تومنیده مناسب یول بولمهگنی سبب، ترافیکی حادثهلر یوز بیریب اوشبو منطقه یشاوچیلریدن قربانلیک آلهدی. مذکور تومنلر یشاوچیلری بدخشان محلی ادارهسی نینگ قیینچیلیکلرینی حل قیلیش اوچون دقتسیزلیککه عیبلهیدیلر.
بدخشان یشاوچیلریدن بیری محمدناصر مجتبی نینگ فیسبوک صحیفهسیده یازیشیچه: «کمبغل و چارهسی یشاوچیلر! وضعیتلرینگیزدن قیغوگهمن، لیکن هیچ ایش قیله آلمیمن، سیزلر اوچون عدالتهم ایسته آلمیمن، کوپ چارهسیز من.»
بدخشان اوشبو یشاوچیسی، بو ولایت محلی ادارهسیدن مذکور تومنلر یشاوچیلری قیینچلیکلرینی حل قیلیش اوچون سعی و حرکت قیلیشینی سورهگن.
شونینگدیک، اقتصادی ایشلرمانلردن بیری معروف ضیایی نینگ یازیشیچه، نظام فاسد، ایشسیز و غیر موثر بولگن حالده، آلتین کانی بولگن منطقهلر یشاوچیلری نینگ وضعیتی هم شوندهی بولیشی ممکن. اونینگ ایتیشیچه، موتر اهالینی تارتگنی اورنیده اهالی موترنی تارتهدی.
گزارشلرگه کوره، اوشبو منطقهلردن کونده اونلرچه کیلوگرام آلتین ایشلب چیقاریلهدی، لیکن کمبغللیک و آنهلرنینگ اولیمی کوپ دیر.
مذکور قتناو یوللردن اوتیب قیتهدیگه یشاوچیلردن بیرقطاری نینگ ایتیشلریچه، بدخشان محلی حکومتی و مرکزی حکومت اوشبو تومنلر یشاوچیلری نینگ قیینچیلیکلرینی حل قیلیش اوچون هیچقندهی سعی و حرکت قیلمهگن.
اولرنینگ کوپهیتیریشلریچه، خلق ارا جماعهسی کوپینچه یاردم بیرگن، لیکن حاضر ده وضعیتنی بوندهی دوام قیلیشی خواطرلنترووچی دیر. اولر، حکومت دن بو قیینچیلیکلرنی حل قیلیش اوچون سعی و حرکت قیلیشینی سورهگنلر.
عینحالده، بدخشان ولایتی بوییچه فواید عامه ریاستی نینگ سابق مسوولی عبدالرووف عبیدی نینگ ایتیشیچه، مذکور قتناو یوللرنی ترمیم قیلیش و جغل توکیش اوشبو ولایت بوییچه فواید عامه ریاستی نینگ کینگی تیریش برنامهسیگه جایلشتیریلگن.