بدخشان ولایتی نینگ واخان تومنی ولسوالی جمعه‌خان آمو نینگ سلام‌وطندارگه ایتیشیچه، پامیر ده ساغلیک مرکز مهندسی، کووید ۱۹ پرستاری و قراردادی شرکت بیر قوروقچی‌سی اوشبو تومن نینگ پامیر ناحیه‌سیده سیرلی شکلده دنیا دن اوتگن و جسدلری تومن مرکزیگه انتقال بیریلگن.
جمعه‌خان آمو نینگ کوپه‌یتیریشیچه، بیر داکتر اوشبو کیشی‌لر بیلن کُما حالتده پامیر دن واخان گه انتقال بیریلگن ایدی و قیته‌دن وضعیتی یخشی بولگن. اونینگ ایتیشیچه، حاضرگه‌قدر مذکور کیشی‌لرنینگ قنده‌ی اولدیریلگنی بیللی ایمس، لیکن ایتیلیشیچه، مذکور کیشی‌لر آکسیژن کم‌لیگی سبب، دنیا دن اوتگنلر.
واخان ولسوالی نینگ ایتیشیچه، پامیر ده اکسیژن وجودی کم دیر و اوشبو ناحیه‌گه سفر قیله‌دیگنلرنی اوزلری بیلن اکسیژن آلیب باریش‌لری کیره‌ک. اونینگ ایتیشیچه، واخان تومنی طالبان قولی‌گه سقوط قیلمسدن آلدین «بزای گنبد» منطقه‌سیده ساغلیک مرکز بناسینی قوروچی قراردادی شرکت‌گه بونده‌ی واقعه‌لرگه توسیق بولیش اوچون اوزلری بیلن اکسیژن آلیب باریشلرینی بیلدیرگن ایدی.
عین‌حالده، بدخشان ولایتی بوییچه ساغلیق‌نی سقلش ریاستی اورین باسری دکتر نوشین گهر کریمی نینگ بو خبرنی تصدیق‌لب ایتیشیچه، مذکور کیشی‌لرنینگ اولیمی انگیزه‌سی بیللی ایمس و تیکشیریش‌لر باشلنگن.
