اوتگن کونی مملکت میدیالریدن بیرقطاری بدخشان نینگ پامیریده تیریکچیلیک قیلهدیگن قرقیزلرنینگ قاچیب تاجیکستانگه بارگنیدن خبر بیرگن ایدی، لیکن بدخشان محلی منبعلری نینگ ایتیشلریچه، تاجیکستان حربیلری مذکور عایلهلرگه تاجیکستان گه کیریش اوچون رخصت بیرمهگن.
بدخشان ولایتی کینگش اورین باسری طلبالدین قادری سلاموطندارگه ایتیشیچه، تاجیکستان چیگره کوچلری نینگ مذکور عایلهلرگه خطاب ایتیشیچه، اوشبو مملکت یالغیز مجرد کیشیلرنی بلخ گچه انتقال بیرهدی.
جناب قادری نینگ ایتیشیچه، حاضرده اوشبو رقم عایلهلر قیته دن اوز منطقهلریده جایلشگنلر. اونینگ کوپهیتیریشیچه، قرقیزیلیک عایلهلردن هیچبیری تاجیکستان گه کیرمهگن.
اوتگن کونی مملکت میدیالریدن بیرقطاری نینگ تاجیکستان دولتی ترماغیدن نقل قیلیب ایتیشلریچه، مملکت قرقیز یشاوچیلریدن ۷۷ تهسی طالبان دن قورقگنی باعث، تاجیکستان گه پناه آلیب بارگنلر.
قرقیزلر بدخشان نینگ پامیر منطقهسیده تیریکچیلیک قیلهدیگن قومی اقلیتلردن دیر و هردایم حکومت نینگ دقتسیزلیگی دن شکایت قیلیب کیلگنلر.
نیچه پیت آلدین اوشبو منطقه یشاوچیلریدن بیرقطاری نینگ سلاموطندار بیلن اوتکزگن صحبتلریده دولت اولر قیینچیلیکلریگه دقت قیلمهگن صورتده، افغانستاننی ترک قیلیب قوشنی مملکتلرگه مهاجر بولیشلرینی بیلدیرگن ایدیلر.
بدخشان محلی مسووللری، پامیر یشاوچیلری نینگ قاچیب تاجیکستان گه بارگنیدن خبرلری یوقلیگینی بیلدیرگنلر.