بادغیس حاکمی حسام‌الدین شمس نینگ سلام‌وطندارگه ایتیشیچه، بو ولایت برچه تومنلری طالبان قولیگه سقوط قیلگن و بو گروه جنگریلری بادغیس مرکزی قلعه‌نو شهری گه داخل بولگن.
شونینگدیک بادغیس ولایتی کینگش باشلیغی عبدالعزیز بیک نینگ سلام‌وطندارگه ایتیشیچه، بو ولایت برچه تومنلری طالبان قولیگه سقوط قیلگنیدن کیین، حاضر مذکور گروه جنگریلری اوزلرینی اوشبو ولایت مرکزی قلعه‌نو شهری گه ییتیشتیرگن.
بیزلرنینگ فیسبوک صحیفه‌میزگه باش اورینگ!
بادغیس ولایتی کینگش باشلیغی نینگ کوپه‌یتیریشیچه، اوتگن کیچه بادغیس پولیس قومندانلیگی نینگ خوفسیزلیک آمری خواجه‌مراد مراد، قرارگاه تولی قومندانی، آب‌کمری تومن ولسوالی خدای‌داد طیب و بادغیس شهری نینگ بیرینچی خوفسیزلیک آمری عمرخان ۱۰۰ حربی و قوللریده‌گی قورال‌لری بیلن طالبان گروهی گه قتنشگن.
بادغیس ولایتی کینگش باشلیغی نینگ ایتیشیچه، امنیتی کوچلردن برچه‌سی وارخطالیک دن قلعه‌نو شهریده‌گی اردو کوچلر قرارگاهیده جایلشگن.
اونینگ کوپه‌یتیریشیچه، گزارشلر اساسیده اوتگن کیچه امنیتی کوچلردن ۱۹ ته‌سی آرتده چیکیلیش پیتده هلاک بولگن و حاضر جسدلری جاده‌لرنینگ اوستیده قالگن. اونینگ ایتیشیچه، اولر جسدلرنی انتقال بیریش اوچون قیزیل خاج دن یاردم سوره‌گن.
قلعه‌نو طالبان قمرویگه قرار تاپیشی بیلن، محبوس‌لردن قطاری قاچیب کیتگن
بادغیس ولایتی کینگش باشلیغی عبدالعزیز بیک نینگ ایتیشیچه، بادغیس نینگ برچه تومنلری طالبان قولیگه سقوط قیلگنیدن کیین، قلعه‌نو شهری بی صاحب قالگن و امنیتی کوچلر و اهالی نیمه ایش قیلیش‌لرینی بیلمه‌یدی. اونینگ ایتیشیچه، بادغیس مرکزی قماقخانه‌سیده ۲۰۰ محبوس بو وضعیت دن فایده‌لنیش بیلن قماقخانه نینگ ایشیگی نی سیندیریب و قاچگنلر.
جناب بیک بادغیس گه یاردم ییتیشمه‌گنیدن تنقید قیلیب ایتیشیچه، دولت نهایتده بیر اوچاق نی بادغیس فضاسیگه اوچیرتمه‌گن. اونگه کوره، قلعه‌نو شهری یمان بیر وضعیت گه قرار تاپگن و مردم ایسه کوپ وارخطا بولگن.
بیزلرنینگ توییترده هم تعقیب قیلینگ!
طالبان بادغیس پولیس قومندانلیگی نینگ خوفسیزلیک آمری، ۲۰۰ دن آرتیق حربی بیلن بو گروه گه قتنشگنی نی تصدیقله‌گن.
