نیچه هفته قرنطینه‌دن سونگ، مکتب و بیلیم یورت‌لر قیته باشلنگن، لیکن مملکت بیرقطار ولایت‌لریده امنیتی کوچلر و طالبان آره‌سیده آتیشمه بولگنی سبب، تعلیمی مرکزلر یاپیق قالگن و اوقووچی‌لر درس‌لرینی دوام بیره آلمه‌یدیلر.
سلام‌وطندار اوزبیک بولیمی‌نی فیسبوک‌ده تعقیب قیلینگ
معارف و عالی اوقوو نهادلر مسوول‌لری نینگ ایتیش‌لریچه، بیرقطار ولایت‌لرده اوروش بولگنی باعث، مکتب‌لر و بیلیم یورت‌لر یاپیق قالگن و اولردن سنگر صفتیده قوله‌نیله‌دی.
تخار و بغلان ولایت‌لری نینگ معارف و عالی اوقوو مسوول‌لری نینگ سلام‌وطندارگه ایتیش‌لریچه، بیرقطار تومن‌لرده اوروش بولگنی باعث، مکتب‌لر و بیلیم یورت‌لر یاپیق قالگن و تعلیمی مرکزلردن سنگر صفتیده قوله‌نیله‌دی.
شونینگدیک، تخار بیلیم یورتی باشلیغی خیرالدین خیرخواه نینگ جاری وضعیت‌دن خواطر بیلدیریب ایتیشیچه، بیلیم یورت‌لر اوروش سنگرلریده اوزگریلگنی باعث، اوقووچی‌لر درس‌لرینی دوام بیره آلمه‌یدیلر.
عین‌حالده، معارف وزیرلیگی سوزلاوچیسی نجیبه آرین نینگ بیرقطار ولایت‌لرده مکتب‌لر یاپیق قالگنی‌نی تصدیق‌لب ایتیشیچه، مذکور مکتب‌لرنی قیته آچیلیشی امنیتی وضعیت نینگ یخشی‌لنیشیگه تیگیشلی دیر.
سلام‌وطندار اوزبیک بولیمی‌نی فیسبوک‌ده تعقیب قیلینگ
عالی اوقوو وزیرلیگی بوتوغریده فکر بیلدیرمه‌گن، لیکن ملی مدافعه وزیرلیگی سوزلاوچیسی روح‌الله احمدزی نینگ مکتب‌لر و بیلیم یورت‌لردن سنگر صفتیده فایده‌لنیشی‌نی رد قیلیب ایتیشیچه، طالبان گروهی تعلیمی مرکزلردن سنگر صفتیده فایده‌لنه‌ریدیلر.
سونگی پیت‌لرده بیرقطار ولایت‌لرده طالبان نینگ هجومی شدت‌لنگن و حاضرده هم امنیتی کوچلر و طالبان جنگریلری آره‌سیده آتیشمه‌نی دوامی بار.
