روسیه حربی کوچلری‌نینگ اوکراین ایریم حدودلریگه اویوشتیرگن هجوملری عاقبتیده چمه‌سی ۳۲ نفر جمله‌دن باله‌لر اولگن و دییرلی ۱۰۰ نفر یره‌لنگن.
رویترزنینگ بوگون (۱۶ میزان/۸ اکتوبر، پنج‌شنبه) ترقه‌تگن خبریگه کوره، روسیه حربی کوچلری‌نینگ راکته و درون آرقه‌لی اویوشتیرگن هجوملریده اینگ کوپ تلفات پریلوکی شهریده قید ایتیلگن.
روسیه حربی کوچلری تامانیدن اوچیریلگن راکته و درون‌لر اوکراین‌نینگ پریلوکی شهریده بیش قووتلی بیر بناده تیکن و اونینگ نتیجه‌سیده کمیده ۲۲ کیشی اولگن.
اوکراین پایتختی کی‌یف و باشقه نیچه شهریگه هم هجوم اویوشتیریلگن. اوکراین جمهور باشلیغی ولودیمیر زلنسکی، بو هجوملرنی روسیه‌نینگ «اینگ قبیح هجوملریدن بیری» دیب اته‌گن.
زلنسکی‌نینگ ایتیشیچه، روسیه اوشبو هجومده قریب ۷۰ ته راکته و اونلب شاهد پهپادی آرقه‌لی اوکراین گه هجوم قیلگن.
