لبناننینگ جنوبی بولیملریگه اسرائیل آرقهلی اویوشتیریلگن هجوملر نتیجهسیده، کمیده ۱۲ کیشی قربان بولگن.
الجزیره خبری ترماغی بوگون (۱۷-جوزا/ ۷-جون، یکشنبه)، لبنان جنوبیگه اسرائیلنینگ اویوشتیرگن ینگی هجوملریده، لبنان حربی کوچلری شامل کمیده ۱۲ کیشینینگ قربان بولگنیدن خبر بیرگن.
لبنان اردوسینینگ اعلام قیلیشیچه، خَردَلی–نبطیه یولیده حربی بیر موترگه اسرائیل آرقهلی اویوشتیریلگن هجوم عاقبتیده بو مملکتنینگ بیر جنرالی، بیر افسری و بیر عسکری قربان بولگن.
لبنان جمهور باشلیغی ژورف عون، اوشبو هجومنی «لبنان حاکمیتی همده خلقارا قانون و معیارلرنینگ بیللی شکلده بوزیش» دیب و اسرائیل هجوملری توختهتیلیشینی سورهگن.
باشقه بیرتاماندن، حزبالله لبنان هم شنبه کونی هجومینی «دهشتلی جنایت» دیب و لبنان دولتینی «واشینگتن ده دشمن ایستهلری برابریده تسلیم بولیش» بیلن مذکور مملکتده قان توکیلیشی دوامیگه امکانیت یرهتیشگه عیبلهگن.
امریکا واسطهچیلیگی بیلن اوتکزیلگن مذاکرهلرده لبنان و اسرائیل رسمیلری بیر آتیش کیسین توغریسیده کیلیشگنلریدن نیچه کون اوتگچ، اوشبو هجوملر عملگه آشیریلگن. مذکور آتیش کیسین بولگنی بیلن، ایکی تامان حاضرگچه بیر-بیرینی آتیش کیسیننینگ بوزیش گه عیبلماقده.
