اسرائیل و لبنان، حزبالله هجوملرنی توختهتیشی شرطی بیلن کیلیشوو گه ایریشدی.
معلوماتلر گه کوره، ایران تامانیدن قوللب-قوتلنهدیگن حزبالله لبنان اسرائیل گه قرشی برچه هجوملرنی تولیق توختهتیب و جنوبی لبنانده اسرائیل نظارتی آستیدهگی حدودلردن چیققن حالده، کیلیشوو عملی قیلینهدی.
کیلیشوو گه کوره، لیتانی دریاسیدن اسرائیل چیگرهسیگچه بولگن حدود ده لبنان قوراللی کوچلری تولیق نظارتنی قولگه آلهدی. امریکا ایسه مذکور حدودلر تینچلیگی و قوراللی گروهلردن تازهلنیشیگه یاردم بیرهدی.
ینگی کیلیشوو اپریل آییده ایریشیلگن صلحنینگ بیر نیچه بار بوزیلیشی آرتیدن قبول قیلینگن. ۱۳ جوزا/۳ جون، چهارشنبه کونی اسرائیلنینگ جنوبی لبنان گه بیرگن ضربهلری عاقبتیده کمیده ۹ کیشی هلاک بولگن و حزبالله ایسه شمالی اسرائیل گه راکته هجوملرینی عملگه آشیرگن بیر پیتده، لبنان و اسرائیل کیلیشوو گه ایریشگن.
