لبنان ده رسمیلرنینگ اعلام قیلیشیچه، اوشبو مملکتگه قرشی اسرائیلنینگ اویوشتیرگن اینگ ینگی هجومی نتیجهسیده، بیر باله شامل کمیده آلتی کیشی قربان بولگن.
خلقارا ییتکرمهلرنینگ بوگون (۷-جوزا/ ۲۸-می، پنجشنبه)، گزارش بیریشیچه، اسرائیل اردوسی لبنان جنوبیده «عدلون» قتناو یولینی پهپادی هجوم بیلن نشانگه آلگن.
گزارش اساسیده، قربانلر بیر عایله اعضاسی بولیب، تهدید بولگن قیشلاقدن تینچ بیر جایگه قاچیش مقصد سعیوحرکت قیلماقده ایکنلر.
بوندن آلدین، اسرائیل اردوسی آرقهلی صور بولیمیده «زقوق المفضی» منطقهسی اوچون جبری بوشهتیلیش ینگی بویروغلری بیریلگنیدن گزارش بولگن ایدی.
عدلون، لبنان دهگی مهم قتناو یوللردن بیری بولیب، بو مملکت جنوبیده صیدا و صور شهرلرینی بیر-بیریگه باغلهیدی.
اسرائیل و حزبالله اوتگن میلادی آیده ایکی آیلیک آتیش کیسینگه کیلیشگنی بیرحالده، لیکن ایکی تامان آرهسیده توقنشوولر یکونلنمهی و هر بیری، باشقهسینی آتیش کیسیننی نقض قیلیشگه عیبلماقده.
