اوکرایننینگ بیر قطار بولیملریگه روسیه آرقهلی اویوشتیریلگن ینگی هجوملر نتیجهسیده، کمیده ۱۳ کیشی اولیب و باشقه اونلب کیشی یرهلنگن.
رویترز آژانسینینگ بوگون (۸-اسد/۳۰-جولای، پنجشنبه)، گزارش بیریشیچه، روسیه کوچلری کییف، دنیپروپتروفسک، پولتاوا، کریفیی ریه و لویو شهرلرینی نشانگه آلگن.
گزارش اساسیده، اوکراین پایتختی کییف ده بیر کیشی اولیب و ایکی کیشی یرهلنگن و شونینگدیک دنیپروپتروفسک و پولتاوا ولایتلریده آلتی کیشی اولگن. کریفیی ریه شهریده ایسه آلتی کیشی اولیب و باشقه سکیز کیشی یرهلنگن.
شونینگدیک لهستان چیگرهسی یقینیده جایلشگن لویو شهریده، یاردم بیرووچی کوچلر ویرانهلر آستیده قالگن کیشیلرنی قوتقریش مقصد، سعیوحرکت قیلماقده. محلی رسمیلرگه کوره، یشش ایکی بنا گه روسیهنینگ راکتهلری تیگگنی عاقبتیده، ۲۶ کیشی یرهلنگن.
روسیه و اوکراین آرهسیدهگی اوروش ۲۰۲۲-ییل فبروری آییدن باشلهنیب و حاضرگچه دوامی بار. ایکی تامان نیچه مرته بیر-بیرینی تینچاهالینی نشانگه آلیشگه عیبلهگن. دنیا ایکینچی اوروشیدن کیین بو اوروش، اروپا بویلب اینگ اوزون مدتلی و قانلی توقنشوولردن بیریگه اوزگرگن. مذکور اوروشنی یکونلش اوچون خلقارا کینگ کولملی سعیوحرکتلر بولگنی بیلن، حاضرگچه نتیجه بیرمهگن.
