خلقارا ییتکرمهلرنینگ معلوماتیگه کوره، روسیهنینگ اوکراین گه قرشی ینگی هجوملری عاقبتیده بو مملکتده کمیده ۲۳ کیشی اولگن و ۱۳۰ کیشی یرهلنگن.
معلوماتلر اساسیده، روسیه یوزلب دران و اونلب راکته آرقهلی اوکراین تورلی حدودلری جملهدن کییف و دنیپرو شهرلرینی نشانگه آلگن.
شو بیلن بیرگه، اوکراین جمهور باشلیغی ولودیمیر زلنسکی، ینههم کینگ کولملی هجوم احتمالی حقیده آگاهلنتیریب و یشاوچیلردن هوا هشدارلریگه دقت قیلیشلرینی سورهگن.
زلنسکی، اوکراین روسیه اردوسی راکتهلریگه قرشی کورهش اوچون هوا مدافعه تیزیمی تقچیلیگی بیلن روپهرهلیگینی بیلدیرگن.
روسیه و اوکراین اورتهسیدهگی توقنشوو میلادی ۲۰۲۲ ییل، فبروری آییدن بیری دوام ایماقده و ایکینچی دنیا اوروشیدن سونگ اروپانینگ اینگ قانلی هجوملریدن بیریگه ایلنگن. برچهسیگه قرهمسدن اوروشنی توختهتیش اوچون آلیب باریلهیاتگن سعی-حرکتلر هلیگچه نتیجه بیرمهگن.
