بدخشان معارف ریاست مسئوللری نینگ ایتیش‌لریچه، اوتگن کون (شنبه، ۱۶-ثور) مملکت معارف وزیرلیگی آرقه‌لی بیر میلیون‌دن آرتیق درس‌لیک، بدخشان ولایتی گه انتقال بیریلگن و شونینگدیک درس‌لیک ترقه‌تیش پروسه‌سی مذکور ولایت مرکزی و تومن‌لریده هم باشلنگن.
بدخشان ولایتی معارف ریاست رئیسی محراب‌الدین اقبال نینگ ایتیشیچه، بو مقدار درس‌لیک نینگ ترقه‌لیشی بیلن، اوشبو ولایت معارف خصوصیده‌گی قیین‌چیلیک‌لردن ۸۰ فایزی نینگ حل بولیشی ممکن.
بیزلرنینگ فیسبوک صحیفه‌میزگه باش اورینگ!
ایتیش کیره‌ک که، بدخشان ولایتی‌‌ده ۷۶۵ مکتب و ۴۰۰ مینگ‌دن آرتیق اوقووچی نینگ موجود‌لیگی بیرحالده، اوشبو ولایت‌ده‌گی اوقووچیلر درس‌لیک کملیگی خصوصیده کوپینچه قیینچیلیککه روپه‌ره ایدی که؛ مسئوللر گه کوره، بو مقدار درس‌لیک نینگ ترقه‌لیشی بیلن اوشبو ولایت معارف بولیمی‌ده‌گی قیین‌چیلیکلر نینگ کمه‌یشی ممکن.
