بوگون “پنجشنبه” مملکت ناتینچ ولایت‌لریده‌گی بیلیم یورت‌لر اوقووچی‌لریدن بیرقطاری امنیتی وضعیت یمان بولگنی سبب، جمهورلیک ریاستی برابریده ناراض‌لیک نمایش یولگه قوییب ناتینچ ولایت‌لردن مرکزگه تبدیل ایتیلیش‌لری اوچون زمینه یره‌تیلیشی‌نی سوره‌گنلر.
بیزلرنینگ فیسبوک صحیفه‌میزگه باش اورینگ!
اعتراضچی اوقووچیلر نینگ «تبدیل‌لیک حقی‌میز، اوروش باعث، بیلیم دروازه‌لری باغلنمه‌سین، بیزنی ناتینچ منطقه‌لرده یوبارمنگ، بیزنی اوروش‌لرگه قربان قیلمنگ، تحصیلی حقی‌میزنی بیزدن آلمه‌نگ» شعارلری بیلن جمهور رئیس و مملکت بیرینچی بانو سیدن تبدیل‌لیک ایسته‌گنلر.
اعتراضچی‌لر کانکور نینگ سهمیه بندلیک ایتیلیشی موضوعی خصوصیده هم سیس چیقارگنلر و تعلیم حوزه‌سیده کانکور نینگ سهمیه بندلیک ایتیلیشی قبول‌لنمه‌یدی و اوقووچی‌لرنی اوز ولایتلریده درس اوقیش‌لری کیرهک دیگنلر.
خوست بیلیم یورتی اوقووچی‌لریدن بیری تهمینه نینگ ایتیشیچه، حکومت نینگ ناتینچ ولایتلرده بولگن قیین‌چیلیکلرنی ایس‌دن چیقارمه‌یشی کیرهک. او، خوست ولایتیده امنیتی وضعیت یخشی بولمه‌گنی سبب، تبدیل‌لیک ایسته‌یدی.
شونینگدیک، ننگرهار بیلیم یورتی اوقووچی‌لریدن بیری نینگ آنه‌سینی ایتیشیچه، اوشبو ولایتده امنیتی وضعیت یخشی ایمس و قیزی درس‌نی دوام بیره آلمه‌یدی. او، دولت دن قیزینی کابل‌گه تبدیل قیلیشی‌نی ایسته‌یدی.
عین‌حالده، عالی اوقوو وزیرلیگی سوزلاوچیسی حامد عبیدی، اوقووچی‌لردن بوتون قیین‌چیلیکلرنی عالی اوقوو وزیرلیگی بیلن شریک قیلیش‌لرینی سوره‌گن. اونینگ ایتیشیچه، عالی اوقوو وزیرلیگی نینگ دروازه‌سی اوقووچیلر یوزی‌گه آچیق دیر و قیین‌چیلیکلرینی قانون و مقررات‌گه کوره حل قیلیش اوشبو وزارت مسوولیتی دیر.
بیزلرنینگ فیسبوک صحیفه‌میزگه باش اورینگ!
کون اوتیش بیلن بیرقطار ولایتلرده امنیتی وضعیت یمان بولیب و یوزلرچه عایله اوی و جای‌لرینی ترک قیلگن بیر حالده، اوشبو اوقووچیلر اعتراض بیلدیریب حکومتدن مرکزگه تبدیل ایتیلیش‌لری اوچون زمینه یره‌تیشی‌نی سوره‌گنلر.
