کابلده پاسپورت توزیع قیلیش جریانی توختهتیلگنیدن سونگ، پاسپورت عمومی ریاستی نینگ اعلام قیلیشیچه، پاسپورت توزیع قیلیش ظرفیتی کونده ۱۰ مینگ جلد گه کوپهیشی ممکن. اسلامی امارت سوزلاوچیلریدن بیری انعامالله سمنگانی نینگ توییتر صحیفهسیده یازیشیچه، کابلده پاسپورت توزیع قیلیش جریانی فنی قیینچیلیک و قطار ایسکونهلر بولمهگنی سبب، باشلنمهگن.
جناب سمنگانی گه کوره، حاضرده بیرقطار وسیلهلر ییتیشگن و شونینگدیک، قالگن وسیلهلر هم تیزلیککه ییتیشهدی. انعامالله سمنگانی نینگ پاسپورت عمومی ریاستیدن نقل قیلیب ایشانچ بیریشیچه، تیزلیککه کابلده پاسپورت ترقهتیش پروسهسی نینگ قیته باشلهنیشی ممکن.
شونینگدیک، پاسپورت عمومی ریاستی نینگ ایتیشیچه، کابلده پاسپورت ترقهتیش پروسهسینی باشلنگنی بیلن، کابل و باشقه ولایتلرده اونینگ ترقهتیش ظرفیتی کونده ۱۰ مینگ جلد گه ییتیشهدی.
بوندن آلدین پاسپورت عمومی ریاستی، کونده کابلده ۳ مینگ و باشقه ولایتلرده کمیده ۲۵۰ جلد پاسپورت توزیع ایتیلیشیدن خبر بیرگن ایدی.