بغلان مرکزی پلخمری شهری نینگ بیرینچی ناحیهسیده جایلشگن چپ دریا ساحه یشاوچیلریدن قطاری، مذکور دریا اوستیده کوپریک یوقلیگیدن شکایت قیلهدیلر.
یشاوچیلر نینگ ایتیشلریچه، محل یشاوچیلری کوپینچه قیینچیلیک بیلن روپهره بولگنلر و دریادن اوتیش اوچون قولده توزهلگن و ستندرد بولمهگن قهییقدن استفاده قیلهدیلر که اولر نینگ حیاتلری اوچون خوفلی دیر.
بیزلرنینگ توییترده هم تعقیب قیلینگ!
محلی یشاوچیلری عبدالحیات نینگ سلاموطندار گه ایتیشیچه: «سوو سطحی یوقاری کیلگنی پیتده جودهیم خطر بولهدی و قوشنیلریمیزدن بیر قطاری سوو گه غرق بولگن. کیچه تامان کسل بولگنمیز پیتده بو ییرده موتر تاپیلمهیدی. بو ییرده کوپریک توزلگنی صورتده تیزلیککه کسلخانه گه باریشیمیز ممکن.»
محل یشاوچیلردن باشقه بیری گلمحمد نینگ سلاموطندار گه ایتیشیچه: «سوو سطحی یوقاری کیلگنی پیتده، اهالی قهییق بیلن سوودن اوته آلمهیدی چونکه غرق بولهدی. اهالی کوپینچه قیینچیلیک بیلن روپهره بولگن. کوپریک توزلگنی صورتده کوپ یخشی بولهدی.»
مذکور محلده حیات کیچیرهدیگن اوقووچیلردن بیری نورآغا نینگ ایتیشیچه، هر کون مکتب گه باریب قیته اویی گه قیتیش اوچون قورقوو بیلن قهییقدن قوللب سوودن اوتهدی.
شوندهی بیرحالده، بغلان محلی مسئوللری نینگ ایتیشلریچه، اوشبو ولایت اوچون رواجلنیش بودجه اختصاص بیریلمهگنی سبب، حاضر ایسه اهالی قیینچیلیگی نی حل قیلهآلمهیدیلر.
بیزلرنینگ فیسبوک صحیفهمیزگه باش اورینگ!
بغلان حاکمی سوزلاوچیسی علممجیدی نینگ سلاموطندار گه ایتیشیچه: «حاضر ایسه رواجلنیش پروژه یوق دیر بیراق کیلهجکده اسلامی امارت بیلن بوتون ملی و محلی ادارهلر نینگ اولکهمیزدهگی رنج و قیینچیلیک کورگن اهالیمیز گه یاردم بیریشلری خصوصیده امیدوارمیز.»
پلخمری شهری نینگ بیرینچی ناحیهسیده جایلشگن چپ دریا ساحه یشاوچیلری، اسلامی امارتدن مذکور منطقهده اوقووچیلرنینگ غرق بولیش خوفی و اهالی قیینچیلیکلری حل بولیشی اوچون تیزلیککه اوشبو دریا اوستیگه کوپریک توزهتیشلری نی ایستهگنلر.