اسلام امیرلیگی رهبری آرقه‌لی کوکنار ایکیلیشی تقیق‌لنگنی‌دن کیین، تورلی ولایت‌لرده کوکنار ایکیلیشی گه قرشی کمپاین‌لر باشلنگن.
بلخ امنیه قوماندانی عبدالرزاق راشد نینگ ایتیشیچه، اوشبو ولایت‌ده سونگی ایکی آی ایچیده ۲۰۰ جریب ییرده کوکنار ایکینی یوق قیلینیب و بو ولایت‌ده کوکنار ایکیش عیبی بیلن قریب ۱۰۰ کیشی قولگه آلینگن.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «۲۰۰ جریب‌دن آرتیق ییر نی ویران قیلگن‌میز. بو ایش گه قول اورگن کیشیلر گه باشقه کوکنار ایکمسلیکلری نی ایته‌میز؛ چونکه هر ساحه‌ده بولسه هم ویران قیله‌میز.»
راشد نینگ اورغولشیچه، مذکور ییرلر اوشبو ولایت نینگ بلخ، چمتال، شولگره و دولت‌آباد تومنلریده ویران بولگن.
باشقه بیرتاماندن، بلخ ده دهقانلردن قطاری نینگ ایتیشلریچه، سرپرست حکومت آرقه‌لی بدیل ایکین ترقه‌تیلمه‌گنی و سوو کم‌لیگی سبب، ییرلری گه کوکنار ایکیش گه مجبور بولگنلر.
چمتال تومنی‌ده‌گی دهقانلردن خیرالله نینگ ایتیشیچه: «دهقانلر اوچون یاردم یوق؛ اوروغ بیریلمه‌یدی، شو رقم کود هم ترقه‌تیلمه‌یدی؛ بیر بوجی کود ۵۰۰۰-۶۰۰۰ افغانی دیر. بیر ساعت قلبه بیرمینگ ۲۰۰ افغانی دیر. اهالی قشاق‌لیک و مجبور قالیش اوچون تریاک ایکه‌دی.»
دهقانلردن بیری میرآغا نینگ ایتیشیچه، دهقانلر گه بدیل ایکین بیریلمه‌گنی صورت‌ده، اولر ییرلری گه کوکنار ایکیش گه مجبورلر. «حکومت‌دن ایش یره‌تیلیشی نی ایسته‌یمیز. حکومت کود یا-ده اوروغ ترقه‌تیشی کیره‌ک که ایکه‌یلیک.»
شونینگدیک دهقانلردن باشقه بیری ضیاخان، سرپرست حکومت‌دن دهقانلر گه بدیل ایکین ترقه‌تیلیشی نی ایسته‌گن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «مجبور قالیب ایکدیک؛ اهالی عایله نفقه‌سی نی تامین‌لش اوچون کوکنار ایکه‌دی. دولت بوغدای یا-ده باشقه ایکینچیلیک اوروغلر نینگ ترقه‌تیشی کیره‌ک که بیزلر بو ایشدن قول تارته‌یلیک.»
بلخ امنیه قوماندانلیگی نینگ معلوماتی اساسیده، مذکور ولایت‌ده کوکنار کوپراق بلخ، دولت‌آباد، چمتال، چهاربولک و شولگره تومنلریده ایکیلگن دیر.
