اسلام امیرلیگی باش وزیری نینگ اقتصادی اورین باسری عبدالغنی برادر، ایران گه قیلگن سفری‌ده اوشبو مملکت رسمی‌لری بیلن اوچره‌شیب، فسیلی و قیته تیکلنه‌دیکن انرژی‌لردن برق ایشلب چیقریش اوچون تخنیکی بولیم‌لرده ایران نینگ همکارلیک قیلیشی نی ایسته‌گن. مذکور اوچره‌شوولرده، ایکی تامان اقتصادی، سیاسی و امنیتی ساحه‌ده قوشنی همکارلیک‌لر گه تاکید قیلگنلر.
اسلام امیرلیگی باش وزیری نینگ اقتصادی اورین باسرلیگی دفتری تامانیدن بوگون ایرتنگ چاغی ترقه‌تیلگن خبرنامه‌ده، اسلام امیرلیگی باش وزیری نینگ اقتصادی اورین باسری، ینگیلیکده ایران نینگ برق وزیری بیلن اوچره‌شگنی‌ده، ایران تامانیدن برق ایشلب چیقریلیشی، ایکینچیلیک اوچون رواجلنگن سووغاریش سیستم‌‌لری نینگ ایجاد قیلینیشی و قوروق‌چیلیک نی مدیریت قیلینیشی خصوصیده افغانستان بیلن همکارلیک قیلینیشی نی ایسته‌گن.
بیزلرنینگ «ایکس» ترماغی ده هم تعقیب قیلینگ!
اوشبو خبرنامه نینگ بیر بولیمی‌ده عبدالغنی برادردن نقل قیلینیب کیلیشیچه: «افغانستان ینگیلیکده اوروش و باسقین‌دن چیققن، سوو، شمال، قویاش و تاش کومیر کبی برق ایشلب چیقریش اوچون بویوک منبع‌لرگه ایگه و بولر آرقه‌لی ایچکی برق‌نی تامین‌لشی‌میز ممکن، بیز ایران‌دن برق ایشلب چیقریش بوییچه تخنیکی همکارلیک قیلیش‌نی سوره‌یمیز.»
اسلام امیرلیگی باش وزیری نینگ اقتصادی اورین باسری عبدالغنی برادر ییتکچیلیگی‌ده‌گی افغانستان اقتصادی هیئت، جاری هفته یک‌شنبه کونی افغانستان و ایران نینگ ایکی تامان‌لمه مناسبت‌لری و اقتصادی رابطه‌لر مستحکم‌لنیشی خصوصیده صحبت قیلیش مقصد، مذکور مملکت گه سفر قیلگن.
اسلام امیرلیگی سوزلاوچیسی ذبیح‌الله مجاهد نینگ ایتیشیچه، ایران گه افغانستان اقتصادی هیئتی نینگ سفری باشلنگنی‌دن حاضرگچه، سوداگرلیک، ترانزیت، سوداگرلر اوچون آسایشته‌لیک ایجاد بولیشی و ایکی مملکت آره‌سیده تیمیر یول‌لر کینگه‌یتیریشی بولیم‌لیده، کیلیشوولر صورت تاپگن.
اسلام امیرلیگی سوزلاوچیسی نینگ کوپه‌یتیریشیچه: «حاضرگچه اوچره‌شوولری نینگ دوامی بار. تورلی بولیم‌لرده پیشرفت‌لر اورته گه کیلگن، سوداگرلیک، ترانزیت، افغانستان‌لیک سوداگرلر اوچون آسایشته‌لیک‌لر ایجاد بولیشی و ایکی مملکت آره‌سیده تیمیر یولی کینگه‌یشی موضوع‌لری‌ده کیلیشوولر صورت تاپگن.»
ایران گه افغانستان اقتصادی هیئتی نینگ سفری جریانیده، اوشبو مملکت رسمی‌لری اقتصادی و سیاسی علاقه‌لرنی کینگه‌یتیریش، ایکینچیلیک، صناعت، سوو مدیریتی و چابهار بندری آرقه‌لی افغانستان نینگ صادرات و وارداتی کوپه‌یشی بولیم‌لریده تخنیکی همکارلیک‌لر خصوصیده ایشانچ بیرگن دیر.
شونینگدیک افغانستان سوداگرلیک و سرمایه یاتقیزیش اتاق نینگ بیرینچی اورین‌باسری خان‌جان الکوزی نینگ ایتیشیچه، اسلام امیرلیگی باش وزیری نینگ اقتصادی اورین باسری، ایران تامان بیلن ۴۱ قرارداد نی امضا قیلیشی ممکن. اونینگ کوپه‌یتیریشیچه: «۴۰ یا-ده ۴۱ موضوع خصوصیده کیلیشوو امضا‌لنیشی گه قرار آلینگن. اوشبو قیین‌چیلیک‌لر نینگ تیکشیریلیشی و حل بولیشی اوچون قوشمه بیر کمیسیون قوریلیشی کیره‌ک. چیگره کمیته‌لر قوریلیشی کیره‌ک.»
بیزلرنینگ فیسبوک صحیفه‌میزگه باش اورینگ!
عین حالده، اقتصادی ایش بیلرمان ظاهر بهزاد، افغانستان و ایران آره‌سیده اقتصادی رابطه‌لر کینگه‌یشیدن خورسند‌لیک قیلیب ایتیشیچه: «ایران سیاسی-اقتصادی بیر انزوا دیر، افغانستان بیلن معامله‌لر حجمی نینگ کوپه‌یتیریش ایسته‌یدی. چابهار بندری آزاد سوولر گه افغانستان نینگ اینگ یقین یولی دیر. صادرا و واردات نینگ بو یول‌دن صورت تاپگنی‌ده، افغانستان‌لیک سوداگرلرهم کراچی بندری‌دن بی‌نیاز بوله‌دیلر.»
شونینگدیک ایران ایچکی ایشلر وزیری، اوتگن کون اسلام امیرلیگی باش وزیری نینگ اقتصادی اورین باسری بیلن اوچره‌شگنی‌ده، افغانستان و ایران نینگ قوشمه بازار رواجلنیشی، سوداگرلیک رواجلنیشی و بو بولیم‌ده آسایشته‌لیک ایجاد بولیشی، نیمروز، هلمند و قندهار گه چابهار تیمیر یولی قوریلیشی، افغانستان آرقه‌لی ایران نینگ چین گه باغله‌نیشی و افغانستان یولی آرقه‌لی اوزبیکستان نینگ ایران گه باغله‌نیشی خصوصیده تاکید‌لب و اونی مملکتی نینگ بیرینچی ایشلریدن عنوان قیلگن.
